الماتى قالاسى ءبىلىم باسقارماسى مەملەكەتتىك ءبىلىم بەرۋ ۇيىمدارىنىڭ باسشىلارىن ىرىكتەۋگە ارنالعان اشىق كونكۋرس جاريالادى. كونكۋرس ءىلياس ەسەنبەرلين اتىنداعى №25 گيمنازيانىڭ ديرەكتورى لاۋازىمىنا وتكىزىلەدى، - دەپ حابارلايدى Aqshamnews.kz.
گيمنازيا 1999 جىلدان بەرى جۇمىس ىستەيدى. لاۋازىمدىق جالاقى جۇمىس وتىلىنە قاراي 202 807–245 988 تەڭگە ارالىعىندا بەلگىلەنەدى.
ۇمىتكەرلەرگە قويىلاتىن نەگىزگى تالاپتار:
– جوعارى پەداگوگيكالىق ءبىلىم نەمەسە پەداگوگيكالىق قايتا دايارلاۋ؛
– كەمىندە 5 جىل پەداگوگيكالىق جۇمىس ءوتىلى، سوڭعى 2 جىلى ۇزدىكسىز؛
– باسشى نەمەسە ديرەكتوردىڭ ورىنباسارى رەتىندە كەمىندە 2 جىل تاجىريبە؛
– بىلىكتىلىك ساناتىنىڭ (پەداگوگ-ساراپشى، زەرتتەۋشى، شەبەر جانە ت.ب.) بولۋى ارتىقشىلىق بەرەدى؛
– QAZTEST نەمەسە Qazaq Resmi Test سەرتيفيكاتى (ۆ1 دەڭگەيىنەن تومەن ەمەس).
ۇمىتكەر ءبىلىم بەرۋ ۇيىمىن باسقارۋ، پەداگوگيكالىق پروسەستى ۇيىمداستىرۋ، ماتەريالدىق-تەحنيكالىق بازانى دامىتۋ، قاۋىپسىزدىكتى قامتاماسىز ەتۋ، كادرلىق ساياسات جۇرگىزۋ جانە قارجىلىق ەسەپتىلىك دايىنداۋ سياقتى مىندەتتەردى ورىندايدى.
قۇجاتتار قابىلداۋ مەرزىمى - كونكۋرس تۋرالى حابارلاندىرۋ رەسمي باسىلىمداردا («الماتى اقشامى»، «ۆەچەرنيي الماتى») جانە edualmaty.kz سايتىندا جاريالانعان ساتتەن باستاپ 7 جۇمىس كۇنى ىشىندە جۇرگىزىلەدى.
وتىنىمدەر الماتى قالاسى، رەسپۋبليكا الاڭى، 4 (الماتى قالاسى ءبىلىم باسقارماسى) مەكەنجايى بويىنشا نەمەسە ەلەكتروندى پوشتا ارقىلى قابىلدانادى: service.ok.2@mail.ru
اڭگىمەلەسۋگە جىبەرىلگەن كانديداتتار ءتىزىمى باسقارمانىڭ سايتىندا جاريالانادى. ۇمىتكەرلەر اڭگىمەلەسۋدى وفلاين فورماتتا وتەدى.