قازۇازۋ حالىقارالىق ءعىلىمي-بىلىم بەرۋ كەڭىستىگىندەگى ءوز ۇستانىمىن نىعايتىپ كەلەدى
سوڭعى جىلدارى اكىمدەر عانا ەمەس، جوعارى وقۋ ورنى رەكتورلارىنىڭ دا حالىق الدىنا شىعىپ، اتقارىلعان جۇمىستارىنىڭ ەسەبىن بەرۋى داستۇرگە اينالدى. تاياۋدا اگرارلىق ءبىلىمنىڭ قاراشاڭىراعى قازاق ۇلتتىق اگرارلىق زەرتتەۋ ۋنيۆەرسيتەتىنىڭ رەكتورى تىلەكتەس ەسپولوۆ ونلاين تۇردە ءبىر جىلدىق اتقارىلعان جۇمىستارىنىڭ ەسەبىن بەردى.
بەدەلدى وقۋ ورداسى باسشىسىنىڭ ەسەپ بەرۋ كەزدەسۋىن جۇرتشىلىق YouTube كانالىندا جانە الەۋمەتتىك جەلىلەردە (Facebook جانە Instagram) تىكەلەي ەفير ارقىلى تاماشالادى. كەزدەسۋگە ەلىمىزدىڭ كورنەكتى مەملەكەت جانە قوعام قايراتكەرلەرى، ق ر پارلامەنتى ءماجىلىسىنىڭ دەپۋتاتتارى، ق ر ۇلتتىق عىلىم اكادەمياسىنىڭ باسشىلىعى، اۋىل شارۋاشىلىعى، ءبىلىم جانە عىلىم، ەڭبەك جانە حالىقتى الەۋمەتتىك قورعاۋ مينيسترلىكتەرىنىڭ، الماتى وبلىسى، الماتى قالاسى جانە مەدەۋ اۋدانى اكىمدىكتەرىنىڭ وكىلدەرى، اقش، رەسەي، بەلورۋسسيا، قىرعىزستان جانە ت.ب. ەلدەردىڭ تانىمال عالىمدارى، جۇمىس بەرۋشىلەر – اگروقۇرىلىمداردىڭ باسشىلارى، جوعارى وقۋ ورىندارىنىڭ، عىلىمي-زەرتتەۋ ينستيتۋتتارىنىڭ، ۇكىمەتتىك ەمەس ۇيىمداردىڭ وكىلدەرى، قازۇاۋ-دىڭ پروفەسسور-وقىتۋشىلارى مەن ستۋدەنتتەر، ب ا ق وكىلدەرى قاتىستى. وقۋ ورداسى باسشىسىنىڭ ەسەپ بەرۋ كەزدەسۋى ونلاين بولعاندىقتان، بۇل جولى اتا-انالاردىڭ دا قاتىسۋىنا مۇمكىندىك تۋدى.
العاشقى ءسوز كەزەگىن العان تىلەكتەس ەسپولوۆ 2020-2021 وقۋ جىلىنداعى اتقارىلعان جۇمىستارعا كەڭىنەن توقتالدى. وقۋ ورداسى سوڭعى جىلدارى ۇلتتىق زەرتتەۋ ۋنيۆەرسيتەتى مارتەبەسىن يەلەنگەنى بەلگىلى. جيىن بارىسىندا وقۋ ورداسى زامان تالاپتارىنا سايكەس، ءوزىنىڭ ودان ءارى دامىتۋ جوسپارىن جاريالادى. سونىمەن قاتار، قازۇازۋ رەكتورى وقۋ ورداسىندا اتقارىلىپ جاتقان جۇمىستاردىڭ ءتۇرلى اسپەكتىلەرى، اگرارلىق عىلىم مەن ءبىلىمدى جەتىلدىرۋ پروسەسىندە تۋىنداعان جەتىستىكتەر مەن ماسەلەلەر جانە ونى ءوندىرىسپەن ينتەگراسيالاۋ تۋرالى كەڭىنەن ورتاعا سالىپ، الداعى بەلگىلەنگەن ستراتەگيالىق ماقساتتار مەن دامۋ باعدارلاماسىمەن كوپشىلىكتى جان-جاقتى تانىستىرىپ ءوتتى.
ماسەلەن، وتكەن وقۋ جىلىندا ۋنيۆەرسيتەت ۇجىمى ءبىلىم بەرۋ ساپاسىن ارتتىرۋ، عىلىم جۇيەسىن جەتىلدىرۋ، حالىقارالىق ىنتىماقتاستىق، تاربيە، جەكە تۇلعانىڭ كاسىبي قالىپتاسۋى، ينفراقۇرىلىمدى دامىتۋ، كادرلىق الەۋەتتى جاقسارتۋ جانە باسقا دا سالالاردا كوپتەگەن ماڭىزدى جۇمىستار اتقاردى. سونىڭ ءبىر دالەلى – بيىل ۋنيۆەرسيتەت العاش رەت QS-2021 الەمدىك رەيتينگىسىندە 60 پوزيسياعا كوتەرىلىپ، 551-ورىنعا يە بولدى.
ۋنيۆەرسيتەت اگرارلىق سالادا جەتەكشى ءرول اتقاراتىن، قازاقستانداعى بىردەن-بىر جوعارى وقۋ ورنى بولىپ تابىلادى، اۋىل شارۋاشىلىعى عىلىمدارى جانە بيورەسۋرستار، ۆەتەريناريا، باكالاۆريات، ماگيستراتۋرا، دوكتورانتۋرا باعىتتارى بويىنشا ماماندار دايىندايدى.
«جاڭا تالاپقا ساي حالىقارالىق ءبىلىم حابى قۇرىلدى. وقۋ ورداسىندا اكادەميالىق ۇتقىرلىق دامۋدا، ءۇش تىلدە ءبىلىم بەرۋ جۇيەسى ەنگىزىلگەن، 14 باعىت بويىنشا حالىقارالىق جازعى جانە قىسقى مەكتەپتەر وتكىزىلىپ جاتىر. اقش، ەۋروپا، تىنىق مۇحيت ايماعى ەلدەرىنىڭ بەدەلدى ۋنيۆەرسيتەتتەرىمەن بەلسەندى ىنتىماقتاسا وتىرىپ، قازۇازۋ قوس تاراپتا ءبىلىم بەرۋدىڭ 11 باعدارلاماسىن قالىپتاستىردى. سونداي-اق، ۋنيۆەرسيتەت ءوزىنىڭ يننوۆاسيالىق دامۋىندا اگرارلىق ماماندىقتار بويىنشا QS الەمدىك رەيتينگىسىندە №1 جوعارى وقۋ ورنى بولىپ تابىلاتىن ۆاگەنينگەن زەرتتەۋ ۋنيۆەرسيتەتىنىڭ (WUR، نيدەرلاندى) تاجىريبەسىن باسشىلىققا الادى، – دەدى تىلەكتەس ەسپولوۆ.
جالپى، ءبىلىم جۇيەسىندە ءسات سايىن جاڭالىق اشىلىپ وتىرادى. وقۋ ورداسىندا زامان تالابىنا ساي «ۆاگەنينگەن–قازاقستان» ينستيتۋتى اشىلدى. ۆاگەنينگەن ۋنيۆەرسيتەتىمەن «ۆەتەريناريالىق-تاماق قاۋىپسىزدىگى جانە تەحنولوگياسى» جانە «وسىمدىكتەر جانە تەحنولوگيالار تۋرالى عىلىم» ءبىلىم بەرۋ باعدارلامالارى بويىنشا مامانداردى ءبىرلەسىپ دايارلاۋ تۋرالى كەلىسىمگە قول قويىلدى.
جىل ارتقان سايىن قازۇازۋ ەلىمىزدەگى جاڭا باعىتتاعى زەرتتەۋ ۋنيۆەرسيتەتى رەتىندە ۇلتتىق دەڭگەيدە تابىستارعا جەتىپ، الەمدىك عىلىمي ورتادا مويىندالىپ، حالىقارالىق ءعىلىمي-بىلىم بەرۋ كەڭىستىگىندەگى ءوز ۇستانىمىن نىعايتىپ كەلەدى.
وnline ەسەپ بەرۋ كەزدەسۋىندە – كاق «ۇلتتىق اگرارلىق ءعىلىم-بىلىم بەرۋ ورتالىعىنىڭ» باسقارما ءتورايىمى گۇلميرا يسايەۆا، ق ر ۇعا پرەزيدەنتى مۇرات جۇرىنوۆ، ق ر جوبالىق مەنەدجەرلەرى وداعىنىڭ پرەزيدەنتى، «قازاق ۇلتتىق اگرارلىق ۋنيۆەرسيتەتى» كەاق ديرەكتورلار كەڭەسىنىڭ مۇشەسى الەكسەي سەحوۆوي، جەر قاتىناستارى جونىندەگى مەملەكەتتىك ۋنيۆەرسيتەتتىڭ رەكتورى (رەسەي)، تمد جەتەكشى اگرارلىق جوو رەكتورلار كەڭەسى ءتوراعاسىنىڭ ورىنباسارى، رعا اكادەميگى سەرگەي ۆولكوۆ، ميچيگان شتاتى ۋنيۆەرسيتەتىنىڭ پروفەسسورى (اقش) دجيگۋان چەن، پان گي مۋن اتىنداعى تۇراقتى دامۋ ينستيتۋتىنىڭ قۇرمەتتى ديرەكتورى، پروفەسسور رافيس ابازوۆ، ماشەروۆ اتىنداعى ۆيتەبسك مەملەكەتتىك ۋنيۆەرسيتەتىنىڭ يننوۆاسيالىق دامۋ ورتالىعىنىڭ ديرەكتورى الەكساندر كۋردەكو سياقتى ءبىرقاتار عىلىم جانە قوعام قايراتكەرلەرى، پارلامەنت دەپۋتاتتارى ءسوز الىپ، وقۋ ورداسىنىڭ اتقارىپ وتىرعان جۇمىستارىنا جوعارعى باعا بەردى.
«زەرتتەۋ ۋنيۆەرسيتەتى» دەگەن اتاققا لايىق بولۋ ءۇشىن ەڭ ءبىرىنشى اگرارلىق نارىقتا سۇرانىسقا يە ماماندار دايىنداۋدا ەرەكشە كوڭىل بولەتىن نارسە – ءبىلىم ساپاسىن جوعارىلاتۋ، بولاشاق مامانداردى عىلىم جانە عىلىمعا نەگىزدەلگەن جوعارى تەحنولوگيا قولداناتىن كاسىپورىنداردىڭ جانە عىلىمي-زەرتتەۋ ۋنيۆەرسيتەتتەردىڭ نەگىزىندە دايىنداۋ. سونىمەن قاتار، مۇندا ماگيسترانتتار مەن دوكتورانتتاردى دايىنداۋعا باسىمدىق بەرىلەدى، ول ءۇشىن شەتەلدىك ۇزدىك عالىمدار كوپتەپ تارتىلادى. سوندىقتان جان-جاقتى وقۋ-عىلىم ينفراقۇرىلىمىن دامىتۋ، وزىق تەحنولوگيالارعا بەيىمدەيتىن ورتالىقتاردىڭ جۇمىس جاساۋىن كۇشەيتۋ – نەگىزگى ماسەلە. وقۋ ورداسىنىڭ العا قويعان ماقساتى – حالىقارالىق QS رەيتينگىنىڭ 551-ورنىنان 2024 جىلى توپ 400-گە كىرۋ. پاندەمياعا بايلانىستى ۋنيۆەرسيتەت عالىمدارى اوك-نىڭ بارلىق باعىتتارى بويىنشا اۋىل كاسىپكەرلەرى ءۇشىن 100-گە جۋىق ونلاين- كونفەرەنسيا وتكىزدى. وعان قازاقستاننىڭ بارلىق وڭىرلەرىنەن 40 مىڭنان استام اۋىل كاسىپكەرى قاتىستى. ەسەپتىك كەزەڭدە بارلىعى 12 000 سۇراق كەلىپ ءتۇستى. اۋىل شارۋاشىلىعى تاۋار وندىرۋشىلەرىنىڭ سۇراقتارىنا جاۋاپ بەرۋ ءۇشىن Call-ورتالىق تابىستى جۇمىس جاساۋدا.