بىلتىر الاتاۋ اۋدانىنداعى ينجەنەرلىك جەلىلەردى جاڭعىرتۋعا قاتىستى 2017 جىلدان باستاپ تۇرعىنداردى الاڭداتقان ەڭ وزەكتى ماسەلەنىڭ ءبىرى 14-اۋماق شاعىن اۋدانىنىڭ ماسەلەسى شەشىمىن تاپتى. جالپى سوماسى 2،7 ملرد تەڭگەگە قۇرىلىسى اياقتالماي قالعان 16 پروبلەمالىق كوشەنىڭ سۋ (7،5 كم) جانە كارىز جەلىلەرى (7،5 كم) تولىعىمەن اۋىستىرىلىپ، اسفالت جابىندىسى قالپىنا كەلتىرىلدى. بۇل تۋرالى الماتى اكىمى ەربولات دوسايەۆ الاتاۋ اۋدانىنىڭ تۇرعىندارىمەن كەزدەسۋ بارىسىندا حابارلادى.
قالا باسشىسى قازىرگى ۋاقىتتا اۋدان اكىمدىگى تاراپىنان وجەت شاعىن اۋدانىندا كارىز سورعى ستانسياسى جانە 228 كم بولاتىن العاباس، شاپاعات، بولاشاق شاعىن اۋداندارىندا سۋ جانە كارىز جەلىلەرىن سالۋ جۇمىستارىن جالعاستىرىپ جاتقانىن اتاپ ءوتتى. بۇل جۇمىستىڭ جوسپارلانعان اياقتالۋ مەرزىمى - 2024 جىلدىڭ سوڭى.
«شاڭىراق-2 شاعىن اۋدانىنداعى جاڭا سالىنعان جەلىلەردى پايدالانۋعا بەرۋ ءۇشىن وسى ايدىڭ اياعىنا دەيىن 6 كارىز-سورعى ستانسياسى ىسكە قوسىلادى. سونداي-اق، 2024 جىلعى ءساۋىردىڭ سوڭىنا دەيىن قاراسۋ شاعىن اۋدانىندا سالىنعان 2 كارىز-سورعى ستانسياسى ىسكە قوسىلادى»، - دەدى ەربولات دوسايەۆ.
بيىل ءساۋىر ايىندا ايگەرىم شاعىن اۋدانىندا كارىز-سورعى ستانسياسىن جانە سايالى، بورالداي جانە اقبۇلاق شاعىن اۋداندارىندا 87،4 كم سۋمەن جابدىقتاۋ جانە كارىز جەلىلەرىن سالۋ بويىنشا جۇمىستار جوسپارلانعان. تەرەكتى جانە سامعاۋ شاعىن اۋداندارىنىڭ ينجەنەرلىك جەلىلەرىن دامىتۋ اياسىندا ەكى جوبا تۇزەتۋگە بەرىلدى. ساراپتاما قورىتىندىسىن الۋ 2024 جىلدىڭ ءساۋىرى مەن تامىز ايلارىنا جوسپارلانعان.