ءال-فارابي داڭعىلىن ورتاشا جوندەۋ جۇمىستارىن بەكىتىلگەن ۋاقىتىنان ەرتە اياقتاۋ جوسپارلانىپ وتىر، دەپ حابارلايدى almaty-akshamy.kz
قالاداعى نەگىزگى داڭعىلداردىڭ بىرىندە كولىك قوزعالىسى بەكىتىلگەن كەستەگە سايكەس 31 تامىزعا قاراي اياقتالۋى كەرەك بولعان. الايدا جوندەۋ جۇمىستارى 20 تامىزعا دەيىن اياقتالادى دەپ جوسپارلانىپ وتىر.
ءال-فارابي داڭعىلىنىڭ وڭتۇستىك بەتىندە جۇمىستار تولىعىمەن اياقتالىپ، سولتۇستىك بەتىندە دوستىق داڭعىلىنان گاگارين داڭعىلىنا دەيىن جوندەلگەن بولاتىن. ەندى 9 تامىز 23-00-دەن 11 تامىز 07-00 ارالىعىندا داڭعىلدىڭ گاگارين داڭعىلىنان دۋلاتي داڭعىلىنا دەيىنگى بولىگىنىڭ سولتۇستىك بەتىندە پوليمەرلى اسفالتبەتون جابىنىن توسەۋگە بايلانىستى كولىك قوزعالىسى تولىعىمەن شەكتەلەدى.
جول قوزعالىسى قاۋىپسىزدىگىن قامتاماسىز ەتۋ ءۇشىن جانە وتكىزۋ قابىلەتتىلىگىن ارتتىرۋ ماقساتىندا ورتاشا جوندەۋ كەزىندە كەلەسى شارالار قولدانىلادى:
- 10 تامىز ساع. 07-00 مەن ساع.24-00 ارالىعىندا گاگارين داڭعىلىنان دۋلاتي داڭعىلىنا دەيىن وڭتۇستىك بەتىندە ريەۆەرسيۆتى كولىك قوزعالىسى ۇيىمداستىرىلادى؛
- قاراڭعى ۋاقىتتا جول كولىك وقيعالارىنىڭ الدىن الۋ ءۇشىن 11 تامىز ساع. 00-00 مەن 07-00 ارالىعىندا باتىس باعىتتا كولىك قوزعالىسى تولىعىمەن شەكتەلەدى؛
- 9 تامىز ساع 23-00 مەن 11 تامىز ساع.7-00 ارالىعىندا روزىباكييەۆ كوشەسىنەن باتىس باعىتتا بۇرىلىس، ءال-فارابي داڭعىلىنان ناۋاي كوشەسىنە سولتۇستىك باعىتتا بۇرىلىستا كولىك قوزعالىسى شەكتەلەدى. جوندەۋ جۇمىستارىن تورايعىروۆ، ناۋاي جىنە مۇستافين كوشەلەرى ارقىلى اينالىپ وتۋگە بولادى.
جول قوزعالىسىنا قاتىسۋشىلاردىڭ قاۋىپسىزدىگىن پاترۋلدىك پوليسيا قىزمەتكەرلەرى قامتاماسىز ەتەدى. ريەۆەرسيۆتى كولىك قوزعالىسى كەزىندە جىلدامدىقتى 40كم\ساع شەكتەۋ تۋرالى بەلگىلەر قويىلىپ، جولاقتار كونۋستى فيشكالارمەن بەلگىلەنەدى. ريەۆەرسيۆتى قوزعالىس الدىندا ەكى جاقتان كولىك اعىندارىن ءبولىپ تۇراتىن مەتالل تۋرنيكەتتەر قويىلادى.
جول جوندەۋ جۇمىستارى جايلى سوڭعى جاڭالىقتار قالا اكىمدىگى مەن قالالىق موبيلدىلىك باسقارماسىنىڭ رەسمي پاراقشالارىندا، الماتى جول تەلەگرام ارناسىندا، سونىمەن قاتار، 2گيس جانە ياندەكس كارتا قوسىمشالارىندا قولجەتىمدى.
ەستەرىڭىزگە سالا كەتەيىك، الماتىداعى ماگيسترالدىق كوشەلەرگە جول توسەمىن توسەۋدە العاش رەت جاڭا تەحنولوگيالاردى قولدانىلدى. اسفالتبەتونداردىڭ قۇرامىندا پوليمەرلەر قولدانىلادى. مۇنداي قوسپالار توزۋعا ءتوزىمدى، جۇمسارۋ تەمپەراتۋراسى جوعارى (65-70°C)، ىستىققا توتەپ بەرىپ، الدەقايدا ۇزاعىراق قىزمەت ەتەدى. قازىرگى 5 جىلدىڭ ورنىنا 8-10 جىل پايدالانۋعا بولادى.
جول جوندەۋ جۇمىستارى 2023 جىلعا جوسپارلانعان جۇمىستار اياسىندا جۇرگىزىلىپ وتىر. ۋاقىتشا قولايسىزدىقتار ءۇشىن كەشىرىم وتىنەمىز. بۇل قالا جولدارى ۇزاعىراق پايدالانۋعا قاجەتتى شارا. مارشرۋتتى الدىن الا جوسپارلاپ الىڭىزدار.
الماتى ق. قالالىق موبيلدىلىك باسقارماسى