13 قاڭتاردا قازاقستان رەسپۋبليكاسىنىڭ پرەمەر-مينيسترىنىڭ ورىنباسارى – مادەنيەت جانە اقپارات ءمينيسترى ايدا بالايەۆا مۇحتار اۋەزوۆ اتىنداعى قازاق ۇلتتىق دراما تەاترىنىڭ 100 جىلدىق مەرەيتويىمەن قۇتتىقتادى، دەپ حابارلايدى aqshamnews.kz
قازاقستان رەسپۋبليكاسى مادەنيەت جانە اقپارات مينيسترلىگىنىڭ باسپا ءسوز قىزمەتىنىڭ مالىمەتىنشە، ەلىمىزدەگى العاشقى كاسىبي قازاق تەاترى 1926 جىلى "ەڭلىك – كەبەك" سپەكتاكلىنەن باستاۋ العان. سودان بەرى تەاتر قازاق رۋحانياتىنىڭ التىن بەسىگىنە اينالدى. وسى ساحنادا ۇلتتىق دراماتۋرگيانىڭ كلاسسيكاسىنا اينالعان تۋىندىلار دۇنيەگە كەلىپ، تەاتر داستۇرلەرى قالىپتاستى ءارى نىعايدى. ولاردىڭ قاتارىندا:
"اباي"،
"قوبىلاندى"،
"قاراگوز"،
"ايمان – شولپان" بار.
تەاتر ۇزاق ءارى مازمۇندى جولدان ءوتتى: الماتىعا كوشىپ، 1937 جىلى اكادەميالىق مارتەبە الدى، مەملەكەتتىك ناگرادالارمەن ماراپاتتالدى، مۇحتار اۋەزوۆتىڭ ەسىمى بەرىلدى، ال 2020 جىلى "ۇلتتىق" مارتەبەسىنە يە بولدى.
"ەڭ باستى بايلىق – بۇل بىرنەشە بۋىن كورنەكتى اكتەرلەر مەن رەجيسسەرلەر قالىپتاستىرعان ۇجىم مەن مەكتەپ. بۇگىنگى تەاتر ۇجىمى دا ءداستۇردى ساقتاي وتىرىپ، كورەرمەنمەن زاماناۋي تىلدە ءتىل تابىسا بىلەدى. سىزدەرگە شابىت، شىعارماشىلىق تابىس جانە ءاردايىم لىق تولى زال تىلەيمىن"، – دەدى ايدا بالايەۆا.