13 وڭىردە ەسكەرتۋ جاريالادى
«قازگيدرومەت» رمك 8 قاراشادا اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى Almaty-akshamy.kz.
اتاپ ايتقاندا، استانا قالاسىندا تۇندە جانە تاڭەرتەڭ تۇمان كۇتىلەدى.
جەتىسۋ وبلىسىنىڭ تاۋلى جانە تاۋ ەتەگىندەگى اۋداندارىندا قاتتى جاۋىن-شاشىن (جاڭبىر، قار) كۇتىلەدى. 8-10 قاراشادا تۇندە جانە تاڭەرتەڭ تاۋلى جەردە تۇمان بولادى. وڭتۇستىك-باتىستان جەل سوعادى، وبلىستىڭ شىعىسىندا جانە تاۋلى اۋداندارىندا ەكپىنى 25 م/س جەتەدى.
الماتى وبلىسىنىڭ وڭتۇستىگىندە جانە تاۋلى اۋداندارىندا قاتتى جاۋىن-شاشىن (جاڭبىر، قار) بولجانادى. تاۋ جەردە سونداي-اق تۇمان، كوكتايعاق بولادى. وڭتۇستىك-باتىستان سوعاتىن جەلدىڭ كۇشى 25 م/س ارتادى. كۇندىز اۋا تەمپەراتۋراسى +2+7 جىلىعا دەيىن، سولتۇستىكتە جانە تاۋلى ايماقتاردا -4 گرادۋسقا دەيىن كۇرت تومەندەۋى ىقتيمال.
الماتى قالاسىندا كەي ۋاقىتتا كاتتى جاڭبىر جاۋادى. كۇندىز اۋا تەمپەراتۋراسى +5+7 گرادۋس جىلىعا دەيىن تومەندەيدى.
قىزىلوردا وبلىسىنىڭ سولتۇستىگىندە تۇمان كۇتىلەدى. تۇندە وبلىستىڭ ورتالىعىندا، شىعىسىندا كوكتايعاق بولادى.
تۇندە جانە تاڭەرتەڭ اقمولا وبلىسىنىڭ وڭتۇستىك جارتىسىندا تۇمان كۇتىلەدى.
تۇندە جانە تاڭەرتەڭ باتىس قازاقستان وبلىسىنىڭ سولتۇستىگىندە، شىعىسىندا تۇمان بولجانادى.
ماڭعىستاۋ وبلىسىنىڭ سولتۇستىگىن تۇمان باسىپ، وڭتۇستىك-شىعىستان سوعاتىن جەلدىڭ كۇشى كۇندىز باتىستا 15-18 م/س جەتەدى.
تۇندە تۇركىستان وبلىسىنىڭ تاۋلى جانە تاۋ بوكتەرلى اۋداندارىندا قاتتى جاۋىن-شاشىن (جاڭبىر، قار) كۇتىلەدى. وبلىستىڭ سولتۇستىگىندە، وڭتۇستىگىندە، تاۋلى جانە تاۋ بوكتەرلى اۋداندارىندا تۇمان تۇسەدى. ءوڭىردىڭ سولتۇستىگى مەن باتىسىندا كوكتايعاق بولادى. سولتۇستىك-باتىستان، سولتۇستىكتەن جەل سوعادى، تاۋ اسۋلارىندا كۇشى 15-20 م/س ارتادى.
شىمكەنت قالاسىندا تۇندە قاتتى جاۋىن-شاشىن (جاڭبىر، قار) جاۋادى. كەي ۋاقىتتا تۇمان كۇتىلەدى.
قوستاناي وبلىسىنىڭ سولتۇستىگىندە، شىعىسى مەن وڭتۇستىگىندە تۇمان بولادى.
پاۆلودار وبلىسىنىڭ سولتۇستىگىندە، باتىسى مەن شىعىسىندا تۇمان بولجانادى.
تۇندە جانە تاڭەرتەڭ سولتۇستىك قازاقستان وبلىسىنىڭ سولتۇستىگىندە، وڭتۇستىگى مەن شىعىسىندا تۇمان كۇتىلەدى.