اكىمدىكتەردىڭ باسپانا كەزەگى تولىعىمەن وتباسى بانكىنە اۋىستىرىلدى، دەپ حابارلايدى aqshamnews.kz
ونەركاسىپ جانە قۇرىلىس ءمينيسترى ەرسايىن ناعاسپايەۆ باسپانا كەزەگىنە تاعى 70 مىڭ ادامنىڭ قوسىلعانىن مالىمدەدى.
بيىلدان باستاپ اكىمدىكتەردىڭ باسپانا كەزەگى تولىعىمەن وتباسى بانكىنە اۋىستىرىلدى. جاقىندا كەزەككە تۇراتىن ارنايى سايت ىسكە قوسىلعان بولاتىن.
ونەركاسىپ جانە قۇرىلىس ءمينيسترى ەرسايىن ناعاسپايەۆتىڭ ايتۋىنشا، جاڭادان قوسىلعان سايتقا 170 مىڭ ءوتىنىش تۇسكەن.
"24 مامىردان باستاپ جاڭا ەرەجەلەر كۇشىنە ەندى. ەندى باسپانا كەزەگىن وتباسى بانك جۇرگىزەدى. 24 مامىردان بەرى بىرنەشە كۇن عانا ءوتتى. مەندەگى شۇعىل اقپاراتقا سايكەس، وسى ۋاقىتتىڭ ىشىندە شامامەن 170 ءوتىنىش تۇسكەن. سونىڭ ىشىنەن 70 مىڭ ادام باسپانا كەزەگىنە قويىلدى"، - دەدى ناعاسپايەۆ.
وسىلايشا، بۇعان دەيىن بولعان 650 مىڭ ادامعا باسپاناعا مۇقتاج تاعى 70 مىڭ ادام قوسىلدى.
باسپاناعا مۇقتاج كەز كەلگەن ادام كەزەككە تۇرا الادى. ءبىراق ناقتى تالاپتار بار. ولار:
سوڭعى 5 جىل ىشىندە ق ر اۋماعىندا تۇرعىن ءۇيدىڭ بولماۋى؛
جالعىز باسپانانىڭ اپاتتى دەپ تانىلۋى؛
استانا، الماتى جانە شىمكەنت قالالارى ءۇشىن قوسىمشا سوڭعى 3 جىل ىشىندە تىركەۋدىڭ بولۋى.