جاڭبىر، قار جاۋىپ، كوكتايعاق بولادى
سينوپتيكتەر ەلىمىز بويىنشا 2023 جىلعى 6 قاڭتارعا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
"قازگيدرومەت" رمك تاراتقان مالىمەت بويىنشا، جاڭبىر، قار جاۋادى.
"ەلدىڭ شىعىسىندا، وڭتۇستىگىندەگى تاۋلى ايماقتاردا قاتتى جاۋىن-شاشىن بولجاندى. رەسپۋبليكا بويىنشا جەل كۇشەيىپ، كوكتايعاق، بۇرقاسىن، تۇمان بولادى"، – دەلىنگەن حابارلامادا.
سونداي-اق، سينوپتيكتەر 6-8 قاڭتارعا ارنالعان استانا، الماتى جانە شىمكەنت قالالارىنىڭ اۋا رايى بولجامىن ۇسىندى.
استانا
6 قاڭتاردا كوشپەلى بۇلت شىعادى، تۇندە جانە تاڭەرتەڭ قار جاۋادى. تۇمان ءتۇسىپ، كوكتايعاق بولادى. وڭتۇستىك-باتىستان 5-10 م/س جەل سوعادى. اۋا تەمپەراتۋراسى تۇندە جانە كۇندىز 1-3 اياز.
7 قاڭتار – كوشپەلى بۇلتتى، جاۋىن-شاشىنسىز. ەكپىنى 15-20 م/س جەل سوعادى. اۋا تەمپەراتۋراسى تۇندە 5-7، كۇندىز 3-5 اياز.
8 قاڭتار – كۇن بۇلتتى بولىپ، وتكىنشى جاۋىن-شاشىن (جاڭبىر، قار) جاۋادى، بۇرقاسىن. جەلدىڭ ەكپىنى 15-20 م/س بولادى. اۋا تەمپەراتۋراسى تۇندە 3-5 اياز، كۇندىز 0-2 جىلى.
الماتى
6 قاڭتاردا كوشپەلى بۇلت شىعادى، جاۋىن-شاشىنسىز بولادى. تۇندە جانە تاڭەرتەڭ تۇمان ءتۇسىپ، كوكتايعاق بولادى. وڭتۇستىك-باتىستان 2-7 م/س جەل سوعادى. اۋا تەمپەراتۋراسى تۇندە 0 گرادۋس شاماسىندا، كۇندىز 7-9 گرادۋس جىلى.
7 قاڭتار – كوشپەلى بۇلتتى، جاۋىن-شاشىنسىز. جەل 0-5 م/س. اۋا تەمپەراتۋراسى تۇندە 0-2 اياز، كۇندىز 3-5 جىلى.
8 قاڭتار – كوشپەلى بۇلتتى، جاۋىن-شاشىنسىز. اۋا تەمپەراتۋراسى تۇندە 0-2 اياز، كۇندىز 5-7 جىلى.
شىمكەنت
6 قاڭتاردا كوشپەلى بۇلت شىعادى، تاڭەرتەڭ جانە كۇندىز جاۋىن-شاشىن (كوبىنەسە جاڭبىر) بولادى. وڭتۇستىك-باتىستان 8-13 م/س جەل سوعادى. اۋا تەمپەراتۋراسى تۇندە 1-3، كۇندىز 6-8 جىلى.
7 قاڭتار – كوشپەلى بۇلتتى، اۋىق-اۋىق جاڭبىر جاۋادى. وڭتۇستىك-شىعىستان 8-13 م/س جەل سوعادى. اۋا تەمپەراتۋراسى تۇندە 3-5، كۇندىز 9-11 جىلى.
8 قاڭتار – كوشپەلى بۇلتتى، ءالسىن-السىن جاڭبىر جاۋادى. اۋا تەمپەراتۋراسى تۇندە 6-8، كۇندىز 9-11 جىلى