رەسپۋبليكا اۋماعىندا جەل كۇشەيەدى
سينوپتيكتەر قازاقستان بويىنشا 2023 جىلعى 3 ناۋرىز، جۇما كۇنگە ارنالعان اۋا رايى بولجامىن ۇسىەندى. بولجامعا سايكەس، جاۋىن-شاشىن، جەل، بۇرقاسىن، كوكتايعاق، تۇمان، نايزاعاي كۇتىلەدى، دەپ حابارلايدى Almaty-akshamy.kz.
"قازگيدرومەت" رمك مالىمەتى بويىنشا، رەسپۋبليكانىڭ باسىم بولىگىندە اتموسفەرالىق فرونتالدى ۋچاسكەلەردىڭ وتۋىمەن اۋا رايى اتلانت سيكلونىمەن انىقتالادى، سوعان بايلانىستى جاۋىن-شاشىن (جاڭبىر، قار)، ەلدىڭ وڭتۇستىگىندە اۋىق-اۋىق قاتتى جاڭبىر جاۋادى.
"تەك ەلدىڭ باتىسى عانا جوعارى قىسىمدى ءورىستىڭ ىقپالىندا بولادى، سوعان بايلانىستى جاۋىن-شاشىنسىز اۋا رايى ساقتالادى"، – دەلىنگەن حابارلامادا.
بولجام بويىنشا رەسپۋبليكا اۋماعىندا جەل كۇشەيەدى، سولتۇستىكتە، باتىستا، شىعىستا، ورتالىقتا بۇرقاسىن، كوكتايعاق، وڭتۇستىكتە، باتىستا، ورتالىقتا تۇمان، تۇركىستان وبلىسىنىڭ تاۋلى ايماقتارىندا كۇندىز نايزاعاي وينايدى دەپ بولجاندى.