تۇتىنۋشىلىق نەسيە الاتىندار ءۇشىن تالاپتار قاتاڭداتىلىپ جاتىر، دەپ حابارلايدى aqshamnews.kz
قارجى نارىعىن رەتتەۋ جانە دامىتۋ اگەنتتىگى 2025 جىلعى 24 قاراشادان باستاپ كەپىلسىز تۇتىنۋشىلىق نەسيە بەرۋگە شەكتەۋ ەنگىزىلەتىنىن مالىمدەدى.
اگەنتتىك بيىل 7 قاراشادا جاڭا قاۋلى قابىلداعان. ماقسات – نەسيەسىن وتەي الماي جۇرگەن ادامدارعا جاڭا كرەديت بەرۋدى شەكتەۋ جانە حالىقتىڭ شامادان تىس قارىزعا باتۋىنىڭ الدىن الۋ.
قاۋلى بويىنشا، سوڭعى 12 ايدا 90 كۇننەن اسا كەشىكتىرىلگەن قارىزى بار قازاقستاندىقتار ءۇشىن بورىش جۇكتەمەسىنىڭ كوەففيسيەنتى 0،5-تەن 0،25-كە دەيىن تومەندەتىلەدى. ياعني بانكتەر مۇنداي ادامدارعا بۇرىنعىدان از مولشەردە كرەديت بەرەدى.
بۇدان بولەك، مىنا تالاپتاردىڭ ءبىرى بولعان كەزدە كەپىلسىز تۇتىنۋشىلىق نەسيە بەرۋگە شەكتەۋ ەنگىزىلەدى:
بانك نەسيەسىن 30 كۇننەن، ال ميكروكرەديتتى 1 كۇننەن اسا ۋاقىتقا كەشىكتىرگەن كەزدە؛
2025 جىلعى 1 شىلدەدەن باستاپ سوڭعى ءۇش جىلدا نەگىزگى بورىش جانە سىياقى بويىنشا قارىزى تولىق كەشىرىلسە؛
سوڭعى 12 ايدا قايتا قۇرىلىمداۋ (رەسترۋكتۋريزاسيا) جۇرگىزىلىپ، ءبىراق ول قارىز الۋشىنىڭ ءوز مىندەتتەمەلەرىن تيىسىنشە ورىنداۋىنا ىقپال ەتپەسە نەسيە الۋ قيىندايدى.
بۇل وزگەرىستەر وسى جىلى 24 قاراشادان باستاپ كۇشىنە ەنەدى.