اقمولا وبلىسىندا بالالارىنا اليمەنت تولەۋدەن ۇزاق ۋاقىت جالتارعان بورىشكەردىڭ قارىزى 2،2 ملن تەڭگەدەن اسىپ كەتكەن، دەپ حابارلايدى Aqshamnews.kz ءتىلشىسى.
پروكۋراتۋرا مالىمەتىنشە، 2025 جىلى بۇلاندى اۋدانىندا كامەلەتكە تولماعان بالالارىن اسىراۋعا قاراجات تولەۋدەن جالتارۋ فاكتىسى بويىنشا ق ر قك-نىڭ 139-بابى نەگىزىندە سوتقا دەيىنگى تەرگەۋ باستالعان.
اۋداندىق پروكۋراتۋرا بورىشكەردىڭ اليمەنت بويىنشا مىندەتتەمەلەرىن ورىنداۋعا قاتىستى ءتيىستى شارالار قولدانباي، ۇزاق ۋاقىت ارەكەتسىز بولعانىن انىقتاعان. سونىڭ سالدارىنان بەرەشەك كولەمى 2،2 ملن تەڭگەدەن اسقان.
"سوت ۇكىمىمەن بورىشكەرگە 1 جىلعا باس بوستاندىعىن شەكتەۋ جازاسى تاعايىندالدى"، – دەلىنگەن قاداعالاۋ ورگانىنىڭ حابارلاماسىندا.
پروكۋراتۋرا اتا-انالاردىڭ سوت شەشىمى بويىنشا بالالارىن كۇتىپ-باعۋعا ارنالعان تولەمدەردى ءۇش ايدان استام ورىنداماعانى ءۇشىن ەكى جىلعا دەيىن باس بوستاندىعىن شەكتەۋ نەمەسە باس بوستاندىعىنان ايىرۋ تۇرىندەگى قىلمىستىق جاۋاپكەرشىلىك قاراستىرىلعانىن ەسكە سالدى.