پروديۋسەر جان مۇقانوۆ ءانشى تامارا اساردىڭ جولداسى جۇماش بەكمىرزانىڭ ءبىرىنشى نەكەسىنەن تۋعان ۇلى الىشەردىڭ ولىمىنە قاتىستى اقپارات بەردى، دەپ حابارلايدى اqshamnews.kz ءتىلشىسى.
جان مۇقانوۆتىڭ ايتۋىنشا، 22 جاستاعى الىشەر اقتوبەدە دوسىنىڭ ۇيلەنۋ تويىنا بارعان كەزىندە كولىك قاعىپ، كوز جۇمعان.
"الىشەردى جەر قوينىنا تاپسىردىق. 22 جاستا ەدى. 8 قاراشا كۇنى قوستانايدا جۇماشتىڭ ۇلى الىشەردىڭ قىرىق كۇنى وتەدى. ءبارى ءبىلسىن – قانى ءبىر بولۋى ماڭىزدى ەمەس، ەڭ باستىسى – جۇرەك بايلانىسى. الىشەر تامارا اساردىڭ تۋعان ۇلى ەمەس. الايدا وسى جىلدار ىشىندە تۋعانداي بولىپ كەتتى. ول دا قامبار سەكىلدى ولاردىڭ ۇلى. جۇماش پەن كىشكەنتاي قىزدارى – اجاردىڭ اعاسى. كوپ ادام ونىڭ قالاي قايتىس بولعانىن سۇراپ جاتىر: اقتوبەدە كولىك قاعىپ كەتتى. دوسىنىڭ ۇيلەنۋ تويىنا بارعان ەدى”، – دەپ جازدى پروديۋسەر.
قارالى حاباردى قوستاناي وبلىسى ناۋرىزىم اۋدانىنىڭ اكىمدىگى دە راستادى.
اكىمدىك مارقۇمنىڭ وتباسىنا كوڭىل ايتتى:
"بەلگىلى كاسىپكەر جۇماش بەكمىرزا مەن جۇبايى تامارا اساردىڭ ۇلى الىشەردىڭ مەزگىلسىز قازاسىنا بايلانىستى شىن جۇرەكتەن كوڭىل ايتامىز. اللا مارقۇمنىڭ جانىن ءجانناتتان قىلسىن، جاقىندارىنا سابىر بەرسىن"، – دەپ جازدى ناۋرىزىم اۋدانىنىڭ اكىمدىگى.
ەسكە سالايىق، ازا تۇتۋ راسىمىنە قاتىستى مالىمەت بويىنشا، قىرىق كۇندىك اس 8 قاراشادا قوستانايدا وتەدى.