ەلىمىزدە QazTech پلاتفورماسى بازاسىندا ءبىرىڭعاي ورتالىقتاندىرىلعان قويما قۇرۋدى كوزدەيتىن ءبىلىم بەرۋ دەرەكتەرىنىڭ جاڭا ارحيتەكتۋراسى ەنگىزىلدى، - دەپ حابارلايدى Aqshamnews.kz.
بۇل تۋرالى ۇكىمەتتىڭ قورىتىندى باسپا ءسوز ءماسليحاتى اياسىندا وقۋ-اعارتۋ ۆيسە-مينيسترى اسىلبەك احمەتجانوۆ مالىمدەدى.
ول مەملەكەت باسشىسىنىڭ سالانى تەرەڭ سيفرلاندىرۋ جونىندەگى تاپسىرماسى بويىنشا 2026 جىلدىڭ سوڭىنا دەيىن وقىتۋدى باسقارۋدىڭ بارلىق جۇيەسى جاڭعىرتىلعان ۇلتتىق ءبىلىم بەرۋ دەرەكتەر بازاسىمەن (ۇبدب) ينتەگراسيالاناتىنىن اتاپ ءوتتى.
«جەكە LMS-تە جىلدار بويى جيناقتالعان دەرەكتەردى ءبىز مەملەكەتتىك دەرەكتەر بازاسىندا جيناقتايمىز. بۇل، مىسالى، ءارتۇرلى LMS تۇرلەرى قولدانىلاتىن وڭىرلەردە وقۋشىلاردى مەكتەپتەن مەكتەپكە اۋىستىرۋ پروسەسىن جەڭىلدەتەدى»، - دەپ اتاپ ءوتتى اسىلبەك احمەتجانوۆ.
2025 جىلدىڭ قورىتىندىسى بويىنشا ەلىمىزدەگى مەكتەپتەردىڭ 99%-ى ينتەرنەت جەلىسىنە قولجەتىمدىلىكپەن قامتاماسىز ەتىلدى. پرەزيدەنتتىڭ قالا مەن اۋىل اراسىنداعى سيفرلىق الشاقتىقتى جويۋ جونىندەگى تاپسىرماسىن ورىنداۋ ءۇشىن 1 608 شالعايداعى مەكتەپ Starlink سپۋتنيكتىك تەحنولوگياسىنا قوسىلدى.