كەلەسى جىلى «يننوۆاسيالىق تەحنولوگيالار پاركى» ارنايى ەكونوميكالىق ايماعىندا جالپى سوماسى 12،2 ملرد.تەڭگە بولاتىن ينۆەستيسيانى تارتا وتىرىپ، 311 جۇمىس ورنى بولاتىن بەس جوبانى ىسكە قوسۋ جوسپارلانۋدا، دەپ حابارلايدى almaty-akshamy.kz
تەلەكوممۋنيكاسيالىق جابدىقتار وندىرەتىن زاۋىت («Smart Alatau» ج ش س) 800 ملن.تەڭگەگە ينۆەستيسيالانادى، قۋاتتىلىعى جىلىنا 1 ملن. بىرلىك ءونىم شىعارادى جانە 120 جۇمىس ورنى قۇرىلادى. قۇنى 1،7 ملرد.تەڭگە، قۋاتى جىلىنا 500 مىڭ بىرلىك، 45 جۇمىس ورنى بولاتىن يممۋنوليۋمينەسەنتتى تەست-جۇيەلەر («Kyzai» ج ش س) وندىرەتىن قويمالارى بار كەشەن. قۇنى 1،5 ملرد.تەڭگە، قۋاتى جىلىنا 50 مىڭ بىرلىك، 40 جۇمىس ورنى اشىلاتىن مەديسينالىق تەحنيكا وندىرەتىن زاۋىت («مەدپروفارم» ج ش س). قۇنى 1،5 ملرد.تەڭگە، قۋاتى جىلىنا 50 مىڭ بىرلىك، 50 جۇمىس ورنى بولاتىن مەديسينالىق جابدىقتار شىعاراتىن زاۋىت («تەحنوپروەكت-ا» ج ش س). قۇنى 1،3 ملرد.تەڭگە، قۋاتى جىلىنا 100 مىڭ بىرلىك، 45 جۇمىس ورنى قۇرىلاتىن قۇرال-سايماندار، اپپاراتتار مەن جابدىقتار شىعاراتىن زاۋىت («Ordamed» ج ش س).
2025 جىلى ارنايى ەكونوميكالىق ايماقتا جالپى قۇنى 11،6 ملرد تەڭگە بولاتىن جانە 417 جۇمىس ورنى اشىلاتىن كارتريدجدەر، مەديسينالىق جابدىقتار، مەديسينالىق جانە فارماسيەۆتيكالىق بۇيىمدار («ا-مەديكال» ج ش س، «Juldyz Kenan Co. LTD ج ش س»، «ۆيۆا فارم» ج ش س، «Doc Co. Ltd» ج ش س) شىعاراتىن ءتورت جوبانى ىسكە قوسۋ كۇتىلۋدە.
