Qańtar-tamyzda elimizde 73,7 mln tonna kómir óndirilgen
QR Premer-Mınıstri Álıhan Smaıylov Úkimette ótken keńeste halyqty kómirmen qamtamasyz etý boıynsha birqatar tapsyrma berdi. Bul týraly Almaty-akshamy.kz Úkimettiń saıtyna silteme jasap habarlaıdy.
2022 jylǵy qańtar-tamyzda elimizde 73,7 mln tonna kómir óndirilgen, bul ótken jyldyń sáıkes kezeńimen salystyrǵanda 6,2%-ǵa kóp. Kómir óndirýshi kásiporyndardyń derekteri boıynsha onyń negizgi razrezderdegi quny ótken jylǵy deńgeıde saqtalǵan. Al satý oryndarynda kómir baǵasynyń ósýine jol bermeý úshin ony úzdiksiz tasymaldaýdy qamtamasyz etý jáne avtomobıl kóligimen elden tys jerlerge áketýdi shekteý (6 aıǵa) jóninde sharalar qabyldandy.
Sonymen qatar azamattarǵa yńǵaıly bolýy úshin kómirdi tanymal marketpleıster men bank qosymshalary arqyly ótkizý joldary pysyqtalyp jatyr. Bul baǵytta elimizdegi eń iri bankterdiń biri Qostanaı oblysynda pılottyq jobany iske qosty. Premer-Mınıstr bul tásil kómir satylatyn oryndarda kezekterdi azaıtýǵa múmkindik beretinin atap ótti.
«Bul – tutynýshylarǵa qolaıly, óte jaqsy sıfrlyq sheshim. Úıden shyqpaı-aq kómirge tapsyrys berýge bolady. Jergilikti jerlerde tıisti túsindirý jumystaryn júrgizý qajet», — dedi Álıhan Smaıylov.
Úkimet basshysy kómir jetkizý men bólýdi erekshe baqylaýda ustaýdy tapsyrdy.