Tabıǵı apat saldarynan 5 775 ǵımarat qıraǵan
Túrkıadaǵy eki joıqyn jer silkinisinen qaza tapqandar sany 5434-ke jetti, 31 777 adam jaraqat aldy, dep habarlaıdy Almaty-akshamy.kz QazAqparat agenttigine silteme jasap.
Túrkıa Úkimeti janyndaǵy tótenshe jaǵdaılardyń aldyn alý jáne joıý basqarmasy (AFAD) apat aımaǵyndaǵy sońǵy málimetterdi jarıalady.
Vedomstvonyń málimetinshe, tabıǵı apat saldarynan 5 775 ǵımarat qıraǵan.
Eske sala ketsek, dúısenbi, 6 aqpanda, Túrkıanyń ońtústik-shyǵysynda magnıtýdasy jeti baldan asatyn eki jer silkinisi boldy (jergilikti ýaqyt boıynsha 04.17-de – 7,7 bal jáne 13.24-te-7,6 bal).
Prezıdent Rejep Taıyp Erdoǵan Túrkıada apat qurbandary úshin jeti kúndik Jalpyulttyq aza tutý týraly jarıalady.
Sondaı-aq, qazaqstandyq qutqarýshylar Gazıantep qalasynyń ortalyǵynda izdeý jumystaryn bastap ketken. Túrkıaǵa 41 adamnan turatyn top bardy, onyń ishinde respýblıkalyq jedel-qutqarý jasaǵynyń qutqarýshylarynan bólek, Apattar medısınasy ortalyǵynyń qyzmetkerleri de bar.