Elde daýys berýge arnalǵan 191 myńnan astam jáshik ornatylǵan
Túrkıada 28 mamyrda jergilikti ýaqyt boıynsha tańǵy saǵat 8:00-den prezıdent saılaýynyń ekinshi týry bastaldy, ol 13-shi memleket basshysy kim bolatynyn kórsetedi, dep habarlaıdy Almaty-akshamy.kz QazAqparatqa silteme jasap.
Osylaısha, búkil el boıynsha saılaý ýchaskeleri tańǵy 8:00-de ashylyp, jergilikti ýaqyt boıynsha 17:00-de jabylady. Elde daýys berýge arnalǵan 191 myńnan astam jáshik ornatylǵan.
Túrkıadaǵy prezıdent saılaýyna eki kandıdat qatysyp jatyr - qazirgi memleket basshysy Rejep Taıyp Erdoǵan jáne birikken opozısıanyń jetekshisi Kemal Kylychdaroǵlý.
14 mamyrda ótken daýys berýdiń birinshi týrynyń qorytyndysy boıynsha el prezıdenti anyqtalǵan joq, óıtkeni jetekshi kandıdattar saılaýshylardyń 50+1 daýysynyń shekti kórsetkishin ala almady. Sonymen birge prezıdenttikke úmitkerler Sınan Ogan men Mýharrem Indje saılaýdan halyqtyń qoldaýy bolmaǵandyqtan shyǵyp qaldy.
Prezıdent saılaýynda saılaýshylar jeke basyn kýálandyratyn resmı qujattardyń birimen daýys bere alady.
Saılaýshylarǵa prezıdenttikke úmitker eki kandıdattyń esimi jazylǵan bir búleten beriledi. Densaýlyq jaǵdaıyna baılanysty saılaý ýchaskelerine kele almaıtyn azamattar úshin «mobıldi jáshikter» jumys isteıtin bolady. Sondaı-aq, kórý qabileti nashar adamdardyń jeke sanaty arnaıy daıyndalǵan shablon boıynsha óz daýystaryn bere alady.
Sonymen qatar, Túrkıanyń joǵarǵy saılaý komısıasy aqpan aıyndaǵy jer silkinisinen zardap shekken eldegi 11 provınsıasynda daýys berý úshin barlyq qajetti sharalardy qabyldady. Bul óńirlerde daýys berý jáshikteri arnaıy bólingen konteınerler men mektepterde ornatylǵan.
Sheteldegi ýchaskelerde daýys berýge 3,5 mln astam adam qatysty. Olar úshin 73 elde jáne 156 sheteldik ókildikte saılaý komısıalary quryldy. Shetelde turatyn Túrkıa azamattaryna daýys berý prosesi 24 mamyrda aıaqtaldy.
Saılaý ýchaskeleri saǵat 17.00-de jabylǵannan keıin daýystardy sanaý bastalady. Saılaý qorytyndysy keshki saǵat 21:00-den keıin jarıalanady.