15 qyrkúıekte Aqtaýda Úkimet basshysynyń qatysýymen Qazaqstan týrızmin damytý forýmy ótti.
İs-sharaǵa SHYU elderiniń mınıstrleri, halyqaralyq qonaqúıler, iri qazaqstandyq jáne sheteldik týroperatorlar, áýe kompanıalar jelileriniń basshylary, sondaı-aq ınvestorlar, halyqaralyq sarapshylar, dıplomatıalyq korpýs jáne memlekettik organdardyń ókilderi qatysty, - dep habarlaıdy Almaty-akshamy.kz.
QR premer-mınıstri Álıhan Smaıylov kez kelgen qonaq úshin barynsha qolaıly jaǵdaı jasaýǵa nıetti ekenin aıtty. Memlekettiń de, jeke sektordyń da kúsh-jigeri osyǵan baǵyttalǵan.
"Keıingi úsh jylda salaǵa 4 mıllıard dollar kóleminde ınvestısıa tartylyp, 400-den astam týrısik nysan salyndy. Respýblıkada Hilton, Marriott, Wyndham, Accor jáne t.b. sıaqty 20-dan asa tanymal halyqaralyq qonaqúı jelileri esigin aıqara ashty. Biz sheteldik jáne otandyq ınvestorlardy Qazaqstannyń týrızm salasyn el Úkimetiniń qoldaýymen uzaq merzimdi ınvestısıa salý múmkindigi retinde qarastyrýǵa shaqyramyz", - deıdi Úkimet basshysy.
Sonymen qatar Úkimet basshysy otandyq týrızmniń halyqaralyq arenadaǵy básekege qabilettiligin arttyrý aıasynda Qazaqstannyń sheteldegi ımıjin kóterý boıynsha vedomstvoaralyq úılestirý jumystaryn kúsheıtý mańyzdy ekenin atap ótti. Osyǵan baılanysty eldiń týrısik brendin ázirlep, halyqaralyq aqparat keńistigindegi tanymal etý jumystaryn kúsheıtý kerektigin aıtty. Sonymen qatar Álıhan Smaıylov jol boıyndaǵy servıstik nysandardy paıdalaný sapasy máselelerin sheship, agrotýrızmdi damytý sharalaryn ázirleý qajettigin aıtty.
"Aýyl turǵyndary, sharýalar men baǵbandar óz sharýashylyqtarynda týrıserdi qabyldaý arqyly qosymsha tabys taba alady. Ol úshin biz zańnamaǵa tıisti ózgerister engizýimiz kerek. Community based tourism – álemdik trend, odan qalys qalmaý kerek", - dedi Álıhan Smaıylov.
Týrızm jáne sport mınıstri Ermek Marjyqpaev byltyr jańadan qurylǵan vedomstvonyń eki salany tepe-teń ustap damytatyny týraly aıtty.
"Bıyl jarty jyldyqtyń qorytyndysy boıynsha Qazaqstanda ishki týrızm 3,2 mıllıon adamǵa jetse, syrttan keletin saıahatshylar sany 500 myńnan asqan. Byltyr týrızm salasyna 350 mıllıard teńge kóleminde ınvestısıa tartyldy, bıyl bul kórsetkishti 800 mıllıardqa jetkizemiz degen jospar bar. Prezıdentimiz aıtqandaı týrızm - ekonomıkanyń bir salasy bolady. Búgin týr operatorlar, dıpmıssıa ókilderi jáne túrli kompanıa ókilderimen bas qosyp, halyqaralyq forýmda eldegi týrızmniń máseleleri, nátıjelerin talqylap jatyrmyz. Infraqurylym jaǵdaıy, vıza máselesi, ınvestısıa tartý syndy taqyryptar kóterilip jatyr jáne biz osy nátıjeler men usynystar boıynsha jumys isteıtin bolamyz", - deıdi mınıstr.
Sondaı-aq, mınıstr alty aıda elimizge 500 myńnan asa sheteldik týrıs kelgenin aıtty.
"Búginde 80 eldiń azamattaryna vızasyz kirý múmkindigi berildi, osy kórsetkishti 100-ge jetkizý kózdelip otyr. Jyl sońyna deıin 1,4 mıllıon sheteldik týrıs keledi degen úmittemiz. Bul salada másele joq emes, alaıda jyl saıyn úkimetten 50 mıllıard teńge bólinip jatyr jáne ınvestorlardy tartý jumystary qarqyndy. Balalar men jasóspirimder týrızmin damytýdy da qolǵa alyp otyrmyz. Balalar lagerlerin salý jáne ony júrgizý máselesi qarastyrylmaq. Eko týrızm tórt jylda úsh ese damyǵan. Búgin aıtylǵan usynystar men shaǵymdar boıynsha keshendi pysyqtaý jumystary júrgiziledi", -dep túıindedi Ermek Marjyqpaev.
Qazaqstandyq týrısik asosıasıasynyń prezıdenti Shaıkenova Rashıda Rashıdqyzy búgingi jıynda týrızmge qatysty aıtylmaǵan másele qalmaǵanyn jetkizdi.
"Búgingi forýmda biz memlekettik týrızmdi damytýǵa degen qyzyǵýshylyq baıqaldy. Bizde eshýaqytta Úkimet basshysynyń qatysýymen ótken jıyn bolmaǵan jáne onyń týrızm máselesine nazar aýdarǵanyn kórgen emespiz. Sol sebepti de bul forým erekshe. Elde memlekettik qatysýynsyz týrızm uıymdastyrý múmkin emes. Vıza, kólik logıstıkasy, áýetasymaldaý quny, jarnama, eldik brend syndy máseleler júıege qoıylǵan kúıde talqylandy. Infraqurylymdyq sheshimder, mysaly jol boıyndaǵy ájethanalar máselesi aıtyldy. Onnan asa másele kóterildi. Eńbek naryǵynyń úlken úlesi men Úkimettiń qatysýy arqyly biz nátıje shyǵara alamyz. Sheteldik mamandar týrıser úshin tartymdy el bolý úshin "ne isteý kerek" degen suraq boıynsha kóptegen jaqsy usynystar aıtty. Sol sebepti de búgingi forýmnan Úkimet basshysy jáne Týrızm jáne sport mınıstri bul salaǵa kúsh, qarajat, jergilikti jáne sheteldik ınvestorlardy tartý kerek degen túsinikpen shyqty degen úmittemiz. Otandyq kásipkerlerge qoldaý kórsetý arqyly jaqsy motıvasıa beredi".
Mańǵystaý oblysynyń ákimi Nurlan Noǵaev óńirde týrızm salasyn damytý boıynsha qandaı jumystar júrgizilip jatqanyn aıtty.
"Alty aıda óńirimizge 179 myń týrıs keldi. Kórshi oblystardan keletin týrıser sany bul statısıkaǵa kirmeıdi. Byltyrǵa qaraǵanda týrıser aǵyny 38 paıyzǵa artyq. Aqtaý áýejaıynan aptasyna 147 reıs, onyń ishinde 45 sheteldik reıster júzege asyrylady. 732 myń jolaýshy poıyzben tasymaldandy. Bıyl 100 mıllıard teńge ınvestısıa tartylyp, 7 joba júzege asyrylady. Respýblıkalyq búdjetten 5 mıllıard 400 myń teńge týrısik mekemelerge gaz tartý úshin jumsalady", - deıdi oblys ákimi.
"Qazaqtýrızm" UQ" AQ basqarma tóraǵasynyń orynbasary Qaırat Sádýaqasov bul jıynnyń pandemıalyq kezeńnen keıin alǵash ret ótip jatqanyn málimdedi.
"Úkimet basshysy týrızmge qatysty máselelerdi biledi, Prezıdetimizde osy salaǵa den qoıýymyz kerektigin aıtty. Búgingi forýmnyń ereksheligi - týrbızness pen halyqaralyq uıym ókilderi dittegen máselelerdi Úkimet basshysyna aıta aldy. Búgin aıtylǵan máselelerdi júzege asyrsaq aıtarlyqtaı nátıje kórseter edik. Keler jyly "Kóshpendiler oıynyna" baılanysty týrısik brend ázirleý tapsyryldy. Munyń ózi álemdik naryqta qozǵaýshy kúsh bolady degenge senimdimin. Barlyq qatysýshylarǵa, ásirese dıpmıssıa ókilderine sheteldik seriktesterge alǵys aıtqymyz keledi. Búgin emosıonaldy usynystar men tilekter boldy, óıtkeni olar bizdiń el úshin shynaıy janashyr bola bildi. Elimizde týrızm úshin jaıly klımat bolsa, sheteldik ınvestorlar da kóbeıip, Qazaqstanǵa keletin saıahatshylar sany artady degen senimdemin", - dedi "Qazaqtýrızm" basshysy.
Mańǵystaý oblysynda tanymal bloger, eko-belsendi Azamat Sársenbaev Atyraý men Mańǵystaý oblystarynyń jurtshylyǵyn salystyrdy.
"Bizdiń óńirde ishki týrızm óte jaqsy damyǵan. Jaz bastalysymen kórshiles oblystardan, shetelden qonaqtar aǵylady. Aqtaý jurtshylyǵy kez kelgen qonaqty kútip alýǵa daıyn. Ózderińiz kórip otyrǵandaı basty degen qonaqúıler meımandarǵa lyq toly, jazǵy maýsym aıaqtalǵansha oryn joq. Infraqurylym jaqsarsa, halyqta servıske jaqyndaıdy. Mysaly Atyraýmen salystyrar bolsaq, ondaǵy jurt sheteldikterge úırengen, o bastan ekspattar kóp. Bizde sál basqasha, birtindep úırenip kelemiz. Vandalızm, qoqysty kóringen jerde tastap ketý syndy jaǵdaılar bolyp turady. Ondaı áreketterge qarsy zańdy kúsheıtip, aıyppul somasyn ulǵaıtatyn bolsa, nemese ınfraqurylym jaqsaryp jatsa onyń eshkim de búldirgisi kelmeıtini anyq", - deıdi eko-belsendi.