Mınıstr jańartylatyn energıa kózderin damytý sharalary týraly baıandady.
Memleket basshysy Energetıka mınıstri Almasadam Sátqalıevti qabyldady, dep habarlaıdy aqshamnews.kz Aqordaǵa silteme jasap.
Almasadam Sátqalıev:
elimizdiń otyn-energetıka kesheniniń bıylǵy birinshi jartyjyldyqtaǵy damýy jóninde esep berdi;
osy ýaqyt aralyǵynda 44,7 mıllıon tonna munaı óndirilgen. Munaı ónimderiniń óndirisi 6,78 mıllıon tonnany quraǵan. Sondaı-aq 30,1 mıllıard tekshe metr gaz óndirilip, elektr qýatyn óndirý kólemi 60,4 mıllıard kVt/saǵatqa jetkeni týraly aıtty;
vedomstvonyń tutynýshylardy elektr qýatymen jáne jylýmen turaqty qamtamasyz etýge baǵyttalǵan iri ınvestısıalyq jobalardy iske asyrý jospary jóninde málimet berdi;
jańartylatyn energıa kózderin damytý sharalary týraly baıandady.
Kezdesý sońynda Memleket basshysy jylytý maýsymyna daıyndyq boıynsha tıisti jumystardy júrgizýdi jáne ishki naryqty munaı ónimderimen qamtamasyz etýdi tapsyrdy.