Qysqa merizimdik sıpatta áser etedi.
Cáýirdiń biri kúni Ulttyq bank mamandary naýryz aıynda teńge baǵamyn turaqty ustap turý úshin 990,5 mln dollarǵa valútalyq ıntervensıa júrgizgenin aıtty, dep habarlaıdy Almaty-akshamy.kz.
«Álemdegi qarjylyq naryqtar naýryz aıynda geosaıası ahýaldyń ýshyǵa túsýine baılanysty qubylmaly kúıde boldy. Syrtqy qysymdardyń el ekonomıkasyna yqpalyn azaıtý úshin jáne ishki valúta naryǵynda teńgerim saqtaý úshin naýryz aıynyń ortasynda Ulttyq bank birneshe ret valúta ınternvensıasyn jasady. Aı sońyndaǵy qorytyndy boıynsha, ıntervensıalardyń kólemi 990,5 mln AQSH dollaryna teń bolǵan. Basqasha aıtsaq, bırjadaǵy saýda-sattyqtyń 29%-y ıntervensıalyq sharalarǵa tıesili», - delingen Ulttyq bank baspasóz qyzmetiniń habarlamasynda.
Mamandardyń aıtýynsha, Ulttyq qordan respýblıkalyq búdjetke transfertterdi qamtamasyz etý úshin valúta satý naýryz aıynda 890,9 mln AQSH dollarǵa shyqty. Ulttyq Banktiń valútalyq ıntervensıalary men Ulttyq qordan satý úlesi saýda-sattyqtyń jalpy kóleminiń 55%-yn qurady.
Ulttyq Bank BJZQ men senimgerlik basqarýdaǵy basqa da qorlardyń zeınetaqy aktıvteri úshin shetel valútasyn satyp alý nemese satý boıynsha operasıalardy júzege asyrǵan joq.
Geosaıası shıelenistiń joǵary deńgeıine baılanysty 2022 jylǵy 15 naýryzdaǵy jaǵdaı boıynsha, teńge tarıhı eń joǵary deńgeıge jetip, bir AQSH dollary úshin 512,17 teńge boldy. Alaıda, osydan keıin ulttyq valúta qozǵalysynyń baǵyty nyǵaıý jaǵyna qaraı ózgerdi. Osylaısha, 31 naýryzda KASE bırjalyq alańyndaǵy saýda-sattyq qorytyndylary boıynsha teńge baǵamy naýryz aıynyń basynan bastap 5,7%-ǵa nyǵaıyp, bir AQSH dollary úshin 467,03 teńge deńgeıinde qalyptasty. Halyqaralyq qarjy naryqtaryndaǵy túzetý, sondaı-aq salyqtyq tólemder kezeńi aıasynda teńgeniń nyǵaıýy oryn aldy.
«Qysqa merzimdi perspektıvada teńgeniń qubylmalylyǵy geosaıası jaǵdaıdyń ózgerýine, ishki qatysýshylardyń kútýlerine jáne álemdik naryqtardaǵy ahýalǵa baılanysty bolady. Bul rette Ulttyq Bank ekonomıkadaǵy qurylymdyq ózgerister, memlekettiń jeńildikpen kredıtteýiniń azaıýy, sondaı-aq aıyrbastaý baǵamynyń erkin ózgerý qaǵıdattaryn ustaný qajetti talaby bolyp tabylatyn ınflásıalyq targetteýdiń tolyqqandy rejımine kóshý jumysyn jalǵastyryp jatqanyn atap ótken jón», - delingen bank habarlamasynda.
Ulttyq Bank teris senarıler iske asyrylǵan jaǵdaıda ishki qarjy naryǵynda turaqsyzdanýdyń aldyn alýǵa qajetti barlyq quraldarǵa ıe jáne jaǵdaıdy qadaǵalaýdy jalǵastyrady.