«Taza Qazaqstan» ekologıalyq baǵdarlamasyn iske asyrý barysynda Almaty qalasynyń mamandandyrylǵan tabıǵat qorǵaý prokýratýrasy Almaty qalasy Ekologıa jáne qorshaǵan orta basqarmasymen jáne «İle-Alataý» memlekettik ulttyq tabıǵı saıabaǵymen RMM-men birlesip, Aıýsaı shatqalynda ekologıalyq senbilik ótkizedi.
İs-sharanyń maqsaty – tabıǵı aýmaqtardyń sanıtarlyq jaǵdaıyn jaqsartý, ekologıalyq mádenıetti arttyrý jáne jáne árbir jannyń qorshaǵan ortany qorǵaýǵa degen degen jaýapkershiligin kúsheıtý.
Senbilik aıasynda ulttyq park aýmaǵynan turmystyq qaldyqtardy jınaý, jınalǵan qoqysty polıgonǵa shyǵarý, sondaı-aq, tabıǵatqa jaýapkershilikpen qaraý qaǵıdalary boıynsha túsindirý jumystary júrgiziledi.
Aksıaǵa memlekettik organdardyń, ekologıalyq uıymdardyń, oqý oryndarynyń, bıznes-qoǵamdastyqtyń ókilderi jáne qala turǵyndary qatysady. Mundaı is-sharalar ekologıalyq mádenıetti qalyptastyrýǵa jáne qorshaǵan ortany qorǵaý salasynda memleket pen qoǵam seriktestigin nyǵaıtýǵa yqpal etedi.
Ótetin kúni men ýaqyty:
2025 jyly 1 qarasha, bastalýy saǵat 09:00
Ótetin orny:
Aıýsaı shatqaly, «İle-Alataý» memlekettik ulttyq tabıǵı saıabaǵynyń aýmaǵy
Qatysýshylardyń jınalý orny:
08:00 – Tuńǵysh Prezıdent saıabaǵy janyndaǵy avtoturaq (ál-Farabı dańǵyly men Dýlatı kóshesiniń qıylysy).
Qatysýshylar úshin birneshe avtobýs uıymdastyrylady.
Uıymdastyrýshylar Almaty turǵyndary men qonaqtaryn ekologıalyq aksıaǵa qatysyp, qalamyzdyń tabıǵı baılyǵyn saqtaýǵa úles qosýǵa shaqyrady.
Baılanys nómiri:
Erkebulan Ertaev – Qaldyqtardy basqarý bóliminiń bas mamany
Tel.: +7 (700) 090-25-00