Almatynyń Taýsamaly shaǵynaýdanynda ınjenerlik jelilerdiń qurylysyndaǵy negizgi jumystar aıaqtaldy
«Almaty Sý» kásiporny Naýryzbaı aýdanyndaǵy Taýsamaly shaǵynaýdanynda ınjenerlik jelilerdiń negizgi qurylys jumystary aıaqtalǵanyn habarlady.
Joba aıasynda bıyl 6 shaqyrym sý qubyry men káriz jelileri tartylyp, kóshelerdi asfálttaýǵa daıyndyq júrgizildi. Merdiger uıym jol jabynyn qalpyna keltirýdi aıaqtap jatyr, jumys aldaǵy kúnderi tolyq bitedi.
Jobany júzege asyrý qysqa merzimde jeke sektordaǵy birneshe júz úıdi ortalyqtandyrylǵan sý jáne káriz júıesimen qamtamasyz etýge múmkindik beredi. Bul turǵyndarǵa kórsetiletin komýnaldyq qyzmet sapasyn aıtarlyqtaı arttyrady.
Jalpy, jyl qorytyndysy boıynsha «Almaty Sý» jelisi arqyly 60 shaqyrymnan astam sý jáne káriz jelileri salynyp, qaıta jańǵyrtyldy. Bul jumystar tolyq aıaqtalǵan jerdegi nysandar sýmen turaqty túrde jabdyqtalady. Qalǵan aýmaqtarda joldy qalpyna keltirý jumystary bitýge jaqyn.