2025 jylǵy 28 qarashada Almaty Qūrylys-tehnıkalyq kolledjíníń bazasynda Almaty qalasy ákímíníń orynbasary Abzal Nukenovtíń tóraǵalyǵymen qalalyq Bílím basqarmasynyń kolledj basshylarymen keńeıtílgen keńesí óttí.
Kezdesude megapolıs tehnıkalyq jáne kásíptík bílím beru júıesín damytudyń negízgí máselelerí talqylandy. Aldyn ala sóz sóılegender prokuratura, bílím sapasy departamentí, polıtsıya jáne Almaty qalalyq Kásípkerler palatasynyń ókílderí boldy.
Keńeste «Zań jáne tártíp» tūjyrymdamasynyń júzege asyrylu barysy, jastar arasynda qūqyqtyq mádenıettí qalyptastyru jáne ıdeologıyalyq qūndylyqtardy nyǵaıtu máselelerí qaraldy. Arnaıy kóńíl jasóspírímderdíń qūqyqtaryn qorǵauǵa jáne qūqyq būzushylyqtardyń aldyn aluǵa bólíndí. Sondaı-aq, studentter arasyndaǵy qūqyq būzushylyqtar boıynsha derekter ūsynyldy jáne kolledjderdíń jasóspírímder polıtsıyasy, áleumettík qoldau qyzmetterí jáne «qauíptí toptaǵy» otbasylarmen ózara árekettesuín kúsheıtu boıynsha ūsynystar beríldí.
2025 jylǵa arnalǵan tehnıkalyq jáne kásíptík bílím beru júıesíníń jaǵdaıyna qatysty baqylau-qadaǵalau sharalarynyń nátıjelerí Bílím sapasyn qamtamasyz etu departamentí (BSQD) arqyly tanystyryldy.
Bıznes pen bílím arasyndaǵy áríptestík ayasynda «Atameken» óńírlík kásípkerler palatasy kolledjder men jūmys berushíler arasyndaǵy tıímdí ózara árekettesudí arttyru boıynsha ūsynystaryn tanystyrdy. Arnaıy nazar bolashaqta sūranysqa ıe mamandardy daıyndau sapasyn arttyruǵa jáne TıPO júıesín damytuǵa audaryldy.
«Qazírgí tańda kolledjder qalanyń ekonomıkasyn damytuǵa qajettí bílíktí mamandardy dayarlauda mańyzdy ról atqaryp otyr. Bízdíń basty maqsatymyz – studenttermen tárbıelík jáne aldyn alu jūmysyn barynsha kúsheıtu, sondaı-aq kolledjderdíń áleumettík seríktesterímen ózara árekettestígín jalǵastyru. Bílím sapasyn joǵarlatu jáne kásíptík-tehnıkalyq bílím beru júıesínde barlyq standarttardyń saqtaluyn qamtamasyz etu mańyzdy», – dedí Almaty qalasy Bílím basqarmasynyń basshysy Saıran Saıfedenov.
Keńeıtílgen keńestíń qorytyndysy boıynsha TıPO júıesínde kadrlardy daıyndau, qauípsízdíktí kúsheıtu, tárbıelík jūmysty nyǵaıtu, vedomstvoaralyq ózara árekettestíktí damytu jáne barlyq studentter úshín qolaıly, qauípsíz árí qoldaushy bílím beru ortasyn jasau máselelerí boıynsha naqty sharalardy qarastyratyn Rezolyutsıya qabyldandy.