Tapsyrmalar múltiksiz jáne ýaqtyly oryndalýy tıis. Ulttyq qaýipsizdikti qamtamasyz etýdiń tyń tásilderi qajet. Bul týraly elimizdiń áleýmettik-ekonomıkalyq damýy jónindegi keńeste Memleket basshysy Qasym-Jomart Toqaev aıtty, dep habarlaıdy Almaty-akshamy.kz QazAqparatqa silteme jasap.
«Qazir – erekshe tarıhı kezeń. Ǵylym men tehnologıa ǵana emes, qoǵamdyq qatynastar da túbegeıli ózgerip jatyr. Memleketterdiń damý baǵdary jáne basymdyqtary basqasha sıpat aldy. Mundaı kezde batyl ári jyldam áreket jasaý qajet», – dedi Prezıdent.
Memleket basshysy arqany keńge salyp otyrýǵa ýaqyt joq ekendigin basa aıtty.
«Júktelgen mindetterdi oryndaý úshin dereý iske kirisý kerek. Tapsyrmalar múltiksiz jáne ýaqtyly oryndalýǵa tıis. Áıtpese, saldary aýyr bolady. Reformalardyń nátıjesin árbir azamat naqty sezinýi qajet. Aldaǵy jumystyń basty ólshemi – osy! Barshańyzǵa tabys tileımin!» – dep túıindedi keńesti Qasym-Jomart Toqaev.