Bul saýalǵa dáriger-larıngolog jaýap berdi.
Tamaǵy aýyryp turǵanda muzdaı sýyq balmuzdaq jeıtinder bar. Olar osy arqyly tamaqtyń qabynýy men aýyrýyn jeńildetýge bolady dep sanaıdy. Reseılik mamannyń aıtýynsha, bulaı jasaý - qate. Alaıda ol sýyqtyń tamyrlardyń spazmyna ákelip, ol qabyný prosesinde kómektesetinin atap ótti. Al basqa jaǵynan alǵanda, asa tońazytý naýqastyń jalpy jaǵdaıyna keri áser etýi múmkin, dep habarlaıdy Almaty-akshamy.kz tilshisi REN- tv saıtyna silteme jasap.
«Bul jerde áńgime balmuzdaqtyń bireýge kómektesýi múmkin, biraq endi bireýler úshin onsha emes bolýy múmkin ekendiginde. Kez kelgen sýyqtyń qan tamyrlarynyń spazmyna ákeletinin jaqsy bilemiz. Al balmuzdaq, jemis muzyn nemese óte sýyq, muzdy nárseni jegen adam jutqynshaqtyń, qan tamyrlarynyń, tańdaı bezderiniń artqy jaǵyndaǵy shyryshty qabyqshanyń túıilýin týdyrady jáne ol qabynýdan qorǵaıdy delik. Biraq eger qabyný prosesi bastalyp ketken bolsa, asa tońazytý kómektesip qana qoımaı, zıan tıgizýi múmkin», - dedi Zaısev.
Dáriger tamaqtary aýyryp turǵan adamdarǵa sýyq tamaqty jemeýge keńes beredi. Mundaı jaǵdaıda naýqasqa tamaq temperatýrasy qolaıly bolatyndaı "aıaýly" dıeta ustaǵan jón. Tipti tamaq qatty aýyrmasa da, jyly as mázirine kóshý kerek. Mundaı jaǵdaıda shyryshty qabatqa zaqym kelmeıdi, qabyný barysy da aýyr bolmaıdy. Alaıda qatty ystyq as isindirýi múmkin, sondyqtan taǵamnyń temperatýrasy qolaıly ári eshbir dámdeýishtersiz bolýy tıis.
Sarapshy deni saý adamǵa azdaǵan mólsherde balmuzdaq jep turý paıdaly ekenin aıtady. Bastysy, ony jegen kezde azdaǵan bóliktermen jeý kerek.