Buǵan deıin áleýmettik jelide sapasy syr berip, ishi qıraı bastaǵan sý jańa mekteptiń sýretteri taraǵan bolatyn
Prokýratýra Talǵardaǵy 3 mlrd teńgeden astam somaǵa salynǵan mektep qurylysynyń sapasyn tekserýge kiristi, dep habarlaıdy Almaty-akshamy.kz Tengrinews.kz-ke silteme jasap.
«Almaty oblysynyń prokýratýrasy Talǵar qalasynda 1 200 oryndyq mektep qurylysynyń sapasyn baqylaýǵa aldy. Quny 3,1 mıllıard teńge bolatyn mekteptiń qurylysy 2021 jyldyń sońynda aıaqtalǵan. Qazirgi ýaqytta shatyrdyń sapasy, ishki árleý jumystary jáne aýmaqty abattandyrý boıynsha aqaýlar anyqtaldy. Tıisti sharalar qabyldaý úshin tekserýge ýákiletti organdardyń mamandary tartyldy», - delingen Almaty oblysy prokýratýrasynyń habarlamasynda.
Prokýratýra tekserý qorytyndysy daıyn bolǵannan keıin qabyldanǵan sharalardy jarıalaıdy.
Eske salaıyq, Talǵarda 3 mlrd teńgege salynǵan sý jańa mekteptiń sapasy syr berip, ishi qıraı bastaǵan edi. Áleýmettik jelide taraǵan fotolardan ǵımarattyń qabyrǵalary jarylyp, tóbesiniń túsip qalǵanyn baıqaýǵa bolady.