Budan buryn bul ekpeniń qaýipsizdigi men tıimdiligi zertteýler arqyly dáleldengenin jazǵanbyz.
Álemdik BAQ taratqan aqparat boıynsha, Reseı tarapy Tájikstanǵa «Spýtnık V» vaksınasynyń 50 myń dozasyn úlestirdi, dep habarlaıdy Almaty-akshamy.kz
Joǵary tıimdilik pen qysqa merzimdik vaksınasıa reseılik «Spýtnık V» preparatyn Úndistanda eń tanymal etti. Úndistanda reseılik «Spýtnık V» preparatymen vaksınalanǵan adamdar qatary artyp keledi, onyń óndirisin Reseıdiń tikeleı ınvestısıalar qory (RTIQ) ınvestısıalaǵan bolatyn. Ekpe saldyrǵan adamdar óz tańdaýyn preparattyń joǵary tıimdiligimen jáne vaksınasıa kýrsynyń jyldam ótýimen túsindiredi.
Úndistanda «Spýtnık V» vaksınasyna úlken qyzyǵýshylyq qalyptasqan. Munyń eki sebebi bar: preparat óte 91%-ten asatyn joǵary tıimdilikke ıe, taǵy bir sebebi — birinshi jáne ekinshi ıneksıa arasyndaǵy qysqa merzim, 21 kúnde siz vaksınasıanyń tolyq kýrsynan óte alasyz», — dedi Apollo Hospital klınıkasynyń bas farmakology, dáriger Sanjıv. Úndi klınıkalaryndaǵy dárigerler «Spýtnık Laıt» vaksınasyn asyǵa kútýde jáne oǵan degen suranys eki komponentti preparatqa qaraǵanda joǵary bolady dep boljaıdy.
Argentınada «Spýtnık V» vaksınasy óndirilip shyǵaryldy, ázirleýshiniń maquldaýyna ıe boldy jáne halyqty jergilikti preparatpen vaksınasıalaı bastady, - dep habarlady eldiń mınıstrler kabınetiniń basshysy Santágo Kafero. Preparattyń birinshi jáne ekinshi komponentiniń sapasyn Reseıdiń Gamaleıa ınstıtýty maquldaǵan. Bul tusta «Spýtnık V» vaksınasynyń 1 mıllıonnan astam dozasyn azamattyq aınalymǵa shyǵarýǵa qatysty málimet berilýde.
«Gam-kovıd-Vak» partıasy Reseı Federasıasy Úkimetiniń gýmanıtarlyq kómegi aıasynda Tájikstanǵa TJM arnaıy bortymen jetkizildi. Vaksına koronavırýsqa qarsy halyqty jappaı ımmýndaý maqsatynda bólindi. Reseı tarapy Tájikstanǵa «Spýtnık V» vaksınasynyń 50 myń dozasyn úlestirdi.