Almatyda kóshpeli bult shyǵady, jaýyn-shashynsyz.
«Qazgıdromet» RMK málimetinshe, respýblıkanyń batys oblystaryna soltústik-batystan jyljyǵan sıklon áser etedi, dep habarlaıdy Almaty-akshamy.kz
Jańbyr, qar jaýady. Soltústik-batysta, soltústikte, keı jerlerde respýblıkanyń ortalyǵynda atmosferalyq frontaldy júıelerdiń áserinen qar jaýady, ońtústikte jaýyn-shashyn (jańbyr, qar) bolady.
Sınoptıkterdiń habarlaýynsha, tek Qazaqstannyń ońtústik-shyǵysynda, shyǵysynda jaýyn-shashynsyz aýa raıy saqtalady. Respýblıkanyń batysynda, soltústiginde, ońtústiginde tuman bolady. Batysta, ońtústikte kóktaıǵaq bolady dep boljandy. Qazaqstannyń batysynda, ońtústik-shyǵysynda, shyǵysynda jel kúsheıedi.
Astanada kóshpeli bult shyǵady, kúndiz azdap qar jaýady. Soltústik-shyǵystan ekpini 2-7 m/s bolatyn jel soǵady. Aýa temperatýrasy túnde -16-18°S, kúndiz -9-11°S.
Almatyda kóshpeli bult shyǵady, jaýyn-shashynsyz. Jel ekpini - 0-5 m/s. Aýa temperatýrasy túnde -4-6°S, kúndiz +2+4°S.
Shymkentte kóshpeli bultty. Ótkinshi jaýyn-shashyn (negizinen jańbyr) bolady. Ońtústik-shyǵystan soǵatyn jel ońtústik-batysqa aýysady, kúshi 5-10 m/s. Aýa temperatýrasy túnde 0,-2°S, kúndiz +6+8°S.