Reıtıń kóshbasshylary Nú-Iork pen London.
Sıngapýr Z/Yen brıtandyq taldaý toby Qytaı damý ınstıtýtymen (Shenchjen) birlesip jasaǵan reıtıńte Gonkongty yǵystyryp, álemdegi eń iri qarjy ortalyqtarynyń úshtigine kirdi, dep habarlaıdy Almaty-akshamy.kz Inbusiness.kz silteme jasap.
Gazettiń jazýynsha, Gonkong burynǵy pozısıasyn koronavırýsqa qatysty karantındik shekteýlerge baılanysty joǵaltty. Sondaı-aq, reıtıńte Tokıoda birden 7-orynnan 16-orynǵa tómendegen. Al Sıngapýr kerisinshe úsh satyǵa kóterildi.
«Gonkong jáne Tokıo sıaqty qalalarǵa sapar shegýge qoıylǵan shekteýler olardyń qalypty bıznesti júrgizý qabiletine áser etedi», – deıdi agenttik zertteýshileri.
Reıtıń kóshbasshylary ádettegideı Nú-Iork pen London. Úzdik 10-dyqqa San-Fransısko, Shanhaı, Los-Andjeles, Pekın jáne Shenchjen kiredi. Zertteý 119 qalany qamtydy.