Shymkent qalasyndaǵy «Kórme» ortalyǵynda «Halal EXPO-2021» kórmesi bastaldy
11-12 qazan aralyǵyna josparlanǵan «HALAL EXPO 2021» – otandyq jáne sheteldik kásiporyndarǵa óz ónimderi men qyzmetin usynýǵa múmkindik beretin halal ındýstrıasyndaǵy eń úzdik kórme, dep habarlaıdy Almaty-akshamy.kz
QMDB «Halal Damý» mekemesi jáne qala ákimdiginiń birlese uıymdastyrýymen Halyqaralyq kórme elimizde, onyń ishinde Shymkent qalasynda tuńǵysh ret ótip jatyr.
QMDB Tóraǵasy, bas múftı Naýryzbaı qajy Taǵanuly, naıb múftı Ershat Aǵybaıuly, Shymkent qalasy ákiminiń birinshi orynbasary Shyńǵys Muqan is-sharanyń ashylý rásimine qatysyp, kórmeni aralap shyqty.
Halyqaralyq jármeńkege álemdik jáne otandyq kásipkerler men ınvestorlar, halal ındýstrıasyndaǵy belgili kásiporyndar men halyqaralyq sertıfıkattaý organdary qatysýda. Kórmede azyq-túlik, kıim-keshek, kosmetıkalyq buıymdar jáne taǵy basqa taýarlar usynylady.
Kórmege 50-den astam otandyq kásiporynnyń ónimderi qoıylǵan. Sonymen qatar Reseı, Ózbekstan, Qyrǵyz eliniń de kásipkerleri óz taýarlaryn ákelgen.
Qala turǵyndary men qonaqtaryn, kásipkerlerin atalǵan kórmege kelýge shaqyramyz. Halyqaralyq kórme eki kúnge jalǵasady.