Shymkentte demografıalyq ósim joǵary
Ulttyq statısıkanyń málimetinshe, demografıalyq ósim jaǵynan Shymkent megapolıster arasynda kósh bastap tur. Demografıalyq dúmpý birinshi kezekte týý kórsetkishiniń joǵary bolýyna baılanysty, dep habarlaıdy Almaty-akshamy.kz
Jyl basynan beri qalada 305 egiz dúnıege kelgen. Ótken jylǵy kórsetkishpen salystyrǵanda egizder sany 100-ge artyq deıdi dárigerler. 2021 jyly syńarymen týǵan shaqalaqtardyń basym bóligi – qyz balalar.
«Baıqasańyzdar, eki nemese odan da kóp syńardyń bir mezette egiz bolyp týýy barysynda júktilik merzimi qysqa, sábılerdiń salmaqtary qalypty jaǵdaıdan jeńilirek bolady. Sondyqtan bolar, egizderdiń kóbisi – shalabaılar. Shala týǵan sábıdi perzenthanadan birden shyǵarmaımyz. Týǵan kúnnen bastap bir aıǵa deıin kútim jasaımyz. Osy ýaqyt aralyǵynda anasy men sábıdiń densaýlyǵynda eshqandaı kinárat bolmasa, úıge shyǵýǵa ruqsat etemiz», - deıdi Shymkent qalalyq perınataldyq ortalyqtyń dárigeri Janat Úsenbaeva.
Shymkentte jyl basynan beri 29 105 sábı dúnıe esigin ashqan. Bıyl týǵan shaqalaqtyń 14 105-si – qyz bala, 15 000-y – ul bala. Al úshemderdiń sany beseýge jetti.