Almaty taýynda qardy jasandy jolmen túsirý jumystary júrgizildi
Almaty taýlarynda qardy jasandy jolmen túsirý jumystary júrgizildi, dep habarlaıdy Almaty.tv.
Qoldan qar kóshkinin jasaýǵa aq ulpanyń qalyń jaýýy sebep bolǵan. Onyń ústine kúnniń kúrt jylýyna baılanysty kóshkin júrý qaýpi qyzyl deńgeıge deıin kóterilipti. Este bolsa, jýyrda ǵana Shymbulaq taýly kýrortynyń joǵary betkeıinde 800 tekshe metrge jýyq qar kóshkini júrgeni belgili bolǵan edi. Qalyń qar «Shymbulaq-Tuıyq sý» jolyn jaýyp qalǵan bolatyn. Qazir Shymbulaq pen Úlken Almaty kóline baratyn joldar jabyq. Kóshkin júrý qaýpi áli de saqtalady. Sondyqtan qutqarýshylar biraz ýaqyt taýǵa shyǵýdan bas tartýǵa keńes beredi.
«Shymbulaq» taýly kýrorty aýmaǵynda, Kishi Almaty ózeniniń baseıninde qar massasyn profılaktıkalyq túsirý jumystary júrgizildi. Jumys barysynda 500 tekshe metrden asa qar alyndy. Demalýshylardyń qaýipsizdigi tolyq qamtamasyz etildi», – dedi TJD Tótenshe jaǵdaılardy aldyn ala eskertý basqarmasynyń ınjeneri Ámir Tólebaev.