«Adal elde ómir súrgim keledi»
Bokstan Olımpıada chempıony Serik Sápıev Sybaılas jemqorlyqqa qarsy is-qımyl agenttigi janyndaǵy qoǵamdyq birlestigine qosyldy, dep habarlady Almaty-akshamy.kz.
«Keńestiń jańa múshesi bolyp memleket qaıratkeri, bokstan Olımpıada chempıony Serik Sapıev jáne «Ádildik joly» RQB atqarýshy dırektory Dıdar Smaǵulov kirdi», – delingen Antıkor habarlamasynda.
Olımpıada chempıony jumys tájirıbesi men ustanymynyń qoǵamdyq keńeske el ıgiligi úshin paıda ákelýge múmkindik beretindigin jetkizdi.
«Men qoǵamdyq keńeske paıda ákeletinime senimdimin. Óıtkeni meniń azamattyq ustanymym bar. Men eldiń qarapaıym azamaty retinde adal memlekette, sybaılas jemqorlyqsyz, ádil memlekette ómir súrgim keledi. Meniń jumys tájirıbem, ustanymym memleketimizdi damytýǵa jáne sybaılas jemqorlyqqa qarsy is-qımyl agenttigine, atap aıtqanda, qoǵamdyq keńeske el ıgiligi úshin paıda ákelýge múmkindik beredi dep oılaımyn», – dedi Sápıev.