Kez kelgen adam ESQ-ny qashyqtan ala alady.
23 sáýirden bastap eGov.kz portalynda elektrondyq sıfrlyq qoltańbany alý úshin Digital ID beıne tekserý kompúterdiń kamerasyn qoldanbastan qoljetimdi bolady, dep habarlaıdy Almaty-akshamy.kz «Ulttyq aqparattyq tehnologıalar» AQ baspasóz qyzmetine silteme jasap.
«El turǵyndary úshin ESQ-ny qashyqtan alý prosesi odan da qoljetimdi jáne yńǵaıly boldy. Beıne tekserý servısi – Digital ID paıdalanýshylarǵa kompúterde kamera bolmaǵan jaǵdaıda nemese jaramsyz bolǵan kezde QR-kodtyń kómegimen ESQ-ny qashyqtyqtan alý úshin sáıkestendirý rásiminen ótýge múmkindigin beredi. Jańa jańartýlar jeke jáne zańdy tulǵalar úshin qoljetimdi», – delingen habarlamada.
«UAT» basqarma tóraǵasy Rostıslav Konáshkınniń aıtýynsha, bir jyl ishinde qazaqstandyqtar ESQ alý qyzmetin shamamen 4,8 mıllıon ret paıdalanǵan.
«Biz azamattardan kóbinese kompúterde kamera joq nemese jumys istemeıdi degen pikir alamyz. Bul ózgerister ESQ-ny qashyqtan alý prosesin jeńildetedi jáne yńǵaıly etedi», – dedi ol.
Jańartýlardy paıdalaný úshin telefon kamerasyn kompúter ekranynda kórsetilgen QR-kodyna baǵyttap, beıne tekserýden ótý kerek. Sáıkestendirý sátti rastalǵannan keıin óz kompúterińizde ESQ alýdyń úırenshikti tásilin jalǵastyrý qaj