Banan mekteptiń jylyjaıynda ósirilgen
Jeri negizinen shóleıtti sanalatyn Shyǵys Qazaqstan oblysy Abaı aýdanynyń ortalyǵy Qaraýyl aýylyndaǵy mekteptiń jylyjaıynda tropıkalyq jemister ósirilýde, dep habarlaıdy Almaty-akshamy.kz «Aıqyn» basylymyna silteme jasap.
Qymyzymen tanymal aýdanǵa banan, anar, lımon men mandarındi osydan bes jyl buryn mektep dırektorynyń ózi ákelip, otyrǵyzǵan eken. Bastapqy eki jylda kóshetter mektep dálizinde turǵandyqtan, ósimi baıaýlaǵanymen, keıin jylyjaıǵa aýystyrǵannan soń birtindep ónim bere bastapty.
«Alǵash ákelgen kezde banan úsh-tórt jylda jemis beredi degenge senbegenbiz. Endi kózimiz jetti. Bul ósimdikterge eń bastysy jylý kerek. Japyraǵy jaıylyp ósetin banan aǵashyna bolashaqta arnaıy, bólek oryn qajet», – deıdi mektep dırektory Anar Sádibekova.
Mektep basshylyǵy aldaǵy ýaqytta jylyjaıdy ulǵaıtýdy josparlap otyr. Sebebi munda tropıkalyq jemistermen qatar raýshan gúli men qıar da ósedi.