Ol qulamas buryn symnan ustap úlgergen
Reseıdiń Iakýtsk qalasynda segizinshi qabattaǵy úıiniń terezesinen qarǵa qulaǵan áıel, úıine ózi kóterilip, jedel járdemdi shaqyrǵan, dep habarlaıdy Almaty-akshamy.kz Amur.info saıtyna silteme jasap.
«Podem» Telegram-kanalynda áıeldiń qulaǵan sátiniń vıdeosyn jarıalandy.
Áıel 4 aqpan kúni tańerteń terezeden qulap ketken. Kadrdan qarǵa qulaǵan áıeldiń basy temir qorshaýǵa tıgenin kórýge bolady. «Podem» Telegram-kanalynyń málimetinshe, ol qulamas buryn symnan ustap úlgergen, sonyń arqasynda jerge qatty ekpinmen kelip túspegen.
Segizinshi qabattan qulaǵan áıel ornynan turyp, úıin ózi kóterilgen jáne jedel járdemdi shaqyrǵan. Buny jedel járdem qyzmetiniń baspasóz qyzmeti rastady.
30 jastaǵy ıakýt áıel aýrýhananyń jansaqtaý bóliminde jatyr, onyń jambas súıekteri jaqymdanǵan. Keıbir derekter boıynsha, bul áıel psıhonevrologıalyq dıspanserde tirkeýde tur.