Obektıvti baǵalaý úshin 1 300 astam sot saraptamasy taǵaıyndaldy
Quqyq qorǵaý organdary qańtardaǵy oqıǵalardyń barlyq mán-jaılaryn anyqtaý úshin kóp ýaqytty talap etetin úlken jumys atqarýda. Búgingi kúnde 1 307 medısınalyq, balıstıkalyq jáne basqa sot-saraptamalyq zertteýler taǵaıyndaldy. Bul týraly Ortalyq komýnıkasıalar qyzmeti alańynda Bas prokýratýranyń 1 qyzmet bastyǵynyń orynbasary Eldos Qılymjanov málimdedi.
«Tergeýshiler 1 500 jýyq oqıǵa bolǵan oryndardy qarap shyqty, 10 000 astam tergeý amaldary júrgizildi. 1 279 tulǵa jábirlenýshi bolyp tanyldy. Atqarylatyn jumys aýqymy óte kóp, sol úshin tergeý nátıjelerin kútip, sabyr saqtaý qajet. Tergeý amaldarynyń, saraptamalardyń nátıjeleri negizinde ǵana ár kúdiktiniń is-áreketine quqyqtyq baǵa beriletin bolady. Al túpkilikti, ıaǵnı, kinániń bar-joǵy, jazanyń mólsheri týraly sheshimdi tek sot qabyldaıdy. Sondyqtan azamattardan júrgizilip jatqan jumystarǵa túsinistikpen qarap, tek resmı málimetterge senýge jáne jalǵan aqparattardy taratpaýǵa shaqyramyn»,- dedi prokýror qazaqstandyqtarǵa qaratyp aıtqan sózinde.