Reseı 15 shildeden bastap qurlyqtaǵy shekarada 2020 jyly koronavırýs ınfeksıasyna baılanysty engizgen shekteýlerin alyp tastamaqshy. Bul týraly dúısenbi kúni kovıdke qarsy kúres jedel shtaby málim etken, dep habarlaıdy Almaty-akshamy.kz TASS-qa silteme jasap.
Habarlamada aıtylǵandaı, jedel shtab talqylaý qorytyndysy boıynsha, 15 shildeden bastap Reseıdiń memlekettik shekarasyn kesip ótýge salynǵan ýaqytsha tyıymdy alyp tastaý jóninde sheshim qabyldaǵan.
Buǵan deıin 14 maýsymnan bastap epıdemıalyq jaǵdaıdyń jaqsarýyna baılanysty shetel azamattarynyń Reseıge teńiz jáne áýe beketteri arqyly kirýine ruqsat berilgen edi.
Biraq jer betindegi kólik túrleriniń kirýine shekteý alynbaǵan bolatyn.
Eske salaıyq, Reseı koronavırýs ınfeksıasynyń taralý qaýpine baılanysty 2020 jyldyń naýryz aıynda shekaradan ótýge shekteý qoıǵan bolatyn.