Harkov oblysynda 30 polák jaldamaly jaýyngeriniń kózi joıylǵany aıtyldy
Reseı kúshteri Kıevti qaıta atqylaı bastady. Keshe shahar shetindegi mekenderge zymyrandarmen soqqy jasaldy.
Jaqynda Reseı Qorǵanys mınıstrligi Kıevti nysanaǵa alatynyn habarlaǵan edi. Málimetke qaraǵanda Reseı jasaqtary sońǵy bir táýlikte Ýkraınanyń 13 nysanyn talqandap, 200-den astamyn isten shyǵarǵan.
Harkov oblysynda 30 polák jaldamaly jaýyngeriniń kózi joıylǵanyn da aıtady.
«Kıevtiń ultshyl bıliginiń Reseı aýmaǵynda kez kelgen lańkestik jáne dıversıalyq áreketine qaraı Kıevtegi nysandarǵa zymyranmen soqqy berý kúsheıtiledi. Reseıdiń áýe shabýylyna qarsy kúshteri sáýirdiń 14-i kúni Bránsk oblysynyń Klımov aýylynda beıbit turǵyndarǵa shabýyl jasaǵan ýkraınalyq tikushaqty atyp túsirdi»,-dedi Reseı qorǵanys mınıstrliginiń resmı ókili Igor Konashenkov.