Referendýmda daýys bergen alǵashqy qazaqstandyq - Tokıo qalasyndaǵy jaqynda 18 jasqa tolǵan jas saılaýshy Alıjan Salıev.
Syrtqy ister mınıstrliginiń málimetinshe, shetelde alǵashqy bolyp Japonıa men Koreıa Respýblıkasyndaǵy daýys berý ýchaskeleri óz jumysyn bastady, - dep habarlaıdy Almaty-akshamy.kz
Vedomstvo málimetinshe, Japonıa men Koreıa Respýblıkasynda turatyn Qazaqstan Respýblıkasynyń azamattary elimizdiń Konstıtýsıasyna ózgerister men tolyqtyrýlar engizý jónindegi jalpyulttyq referendýmda ózderiniń daýys berý konstıtýsıalyq quqyǵyn alǵashqylardyń biri bolyp paıdalandy.
Tokıo qalasyndaǵy №261 ýchaske jergilikti ýaqyt boıynsha tańǵy saǵat 7-de (Nur-Sultan ýaqyty boıynsha saǵat 4:00-de) Qazaqstan Respýblıkasynyń azamattary úshin óz esigin ashty. Alǵashqy mınýttardan bastap qazaqstandyqtar ózderiniń «Jańa Qazaqstandy» qurýǵa qatysýǵa azamattyq quqyqtaryn iske asyrý úshin aıtarlyqtaı belsendilik tanytyp jatyr.
Referendýmda daýys bergen alǵashqy qazaqstandyq - Tokıo qalasyndaǵy jaqynda 18 jasqa tolǵan jas saılaýshy Alıjan Salıev. Bul onyń alǵashqy saılaýy.
«Men jaqynda 18 jasqa toldym jáne osyndaı tarıhı oqıǵaǵa alǵash ret qatysý men úshin óte qyzyqty. Oǵan qosa bul úlken jaýapkershilik, óıtkeni meniń daýysym da Konstıtýsıany jańartýda eskeriletin bolady. Men Qazaqstannyń Japonıa sıaqty damyǵan elge aınalǵanyn qalaımyn», - dedi Alıjan.
Qazaqstandyqtar Tokıoǵa Japonıanyń ár túkpirinen, sonyń ishinde Hırosıma, Osaka jáne Kıoto sıaqty alys prefektýralardan da daýys berýge kelip jatyr.