«Referendým – aýqymdy jańa reformalardyń bastaýy». Osyndaı ataýmen Almatyda Aýyl halyqtyq demokratıalyq patrıottyq partıasy dóńgelek ústel otyrysyn ótkizdi, dep habarlaıdy Almaty-akshamy.kz Almaty.tv-ge silteme jasap.
Agrarlyq ǵylym ókilderi men máslıhat depýtattary referendýmda engiziletin tolyqtyrýlardy egjeı-tegjeıli túsindirip, jalpyhalyqtyq referendýmge qatysýdyń qanshalyqty mańyzdy ekenin jetkizdi.
«QR Prezıdenti Qasym-Jomart Toqaev osy referendým ótkizý jónindegi jarlyǵy jaryqqa shyqqannan keıin, Aýyl halyqtyq demokratıalyq partıasy óziniń saıası keńesin ótkizdi. Referendým bizdiń quqyqymyzdy paıdalaný úshin ótedi. Al referendýmǵa baryp qatysyp, azamattyq paryzymyz», – dedi «Aýyl» HDP partıasynyń tóraǵasy, QR Parlamenti Senatynyń depýtaty Álı Bektaev.
«Neǵurlym óz oıymyzdy bildire bilsek, sol kezde biz táýelsiz bolamyz. Sol kezde biz ózimizge quqymyzǵa ıelenemiz. Sol úshin halqymyzdy osy referendýmǵa shaqyramyz», – dedi «Aýyl» HDP partıasynyń múshesi, Almaty qalalyq máslıhat depýtaty Qýanysh Turabaev.