Atalǵan kún tártibimen Almatyda «TALQYLAU» dıalog alańynyń alǵashqy otyrysy ashyldy, dep habarlaıdy Almaty-akshamy.kz.
Qoǵamnyń progresıvti bóligi bola otyryp, amanattyqtar memlekettik-saıası modeldiń júıeli transformasıasynyń baǵytyna basa nazar aýdardy.
«Bul ıdeıa árbir qazaqstandyqty eldiń qoǵamdyq-saıası júıesin jańartýǵa degen birtutas umtylysqa biriktiredi. AMANAT partıasynyń Almaty qalalyq shtabynyń jetekshisi Meıirjan Otynshıev: «Memleket pen qoǵamnyń ózara is – qımylynyń jańa modeline kóshý – «Jańa Qazaqstannyń» baǵdarlarynyń biri», - dep atap ótti óz sózinde.
Eń jas májilismen Mádı Ahmetov elimizdiń saıası júıesindegi ózgeristerdiń mańyzdylyǵyn atap ótti. Onyń aıtýynsha: «Ózara baılanystyń jańa modeline kóshý Parlamenttiń qarqyndy jumysyn, zań jobalaryn jedel qaraýdy talap etedi. Májilisti qalyptastyrýdyń aralas úlgisin engizý, Parlamenttiń baqylaý fýnksıalaryn keńeıtý – osy jáne basqa da konstıtýsıalyq ózgerister Parlamenttiń rólin aıtarlyqtaı kúsheıtip, mártebesin kóteredi».
Joǵaryda atalǵan spıkerlerdiń sózderin Almaty qalasy máslıhatynyń AMANAT partıasy depýtattyq fraksıasynyń músheleri Altynaı Kóbeeva men Qalı Sársenbaı qoldady. Teledıdar jobalarynyń avtory jáne júrgizýshisi Almas Saǵynuly dıalog alańynyń moderatory boldy. Kezdesýge saıasattanýshylar, sarapshylar, qoǵam belsendileri men jýrnalıser de qatysty.
Eske salsaq, Qazaqstannyń qazirgi Konstıtýsıasy 1995 jyly 30 tamyzda ótken respýblıkalyq referendýmda qabyldanǵan bolatyn. Osydan keıin Negizgi zańǵa kóptegen ózgerister men tolyqtyrýlar engizildi. Jańashyldyqty referendým arqyly emes, el parlamenti arqyly maquldandy. 1995 jyldan bastap alǵash ret konstıtýsıalyq reforma tikeleı búkilhalyqtyq daýys berý arqyly júzege asyrylatyn bolady. Sondyqtan oǵan elimizdiń barlyq azamattarynyń qatysýy mańyzdy.
Konstıtýsıalyq túzetýler boıynsha respýblıkalyq referendýmǵa barlyǵy 1,1 mln almatylyq qatysady. Búgingi tańda partıanyń qalalyq shtaby megapolıstiń eki júz eńbek ujymynda 10 myńǵa jýyq adamdy qamtydy. Konstıtýsıalyq túzetýlerdi túsindirý boıynsha belsendi jumys 3-shi maýsymǵa deıin jalǵasady.