Qytaı búgin tańerteń júk tasıtyn «Tánchjoý-5» ǵarysh kemesin ushyrdy, dep habarlaıdy Almaty-akshamy.kz Inform.kz-ke silteme jasap.
Bul keme ǵarysh stansasynyń qurylysyna qajet júkti jetkizedi. Onyń mindeti – stansany jabdyqtaý.
Bul joly kemede stansanyń orbıtasyna kerek janarmaı jáne sál keıinirek, 2022 jyldyń jeltoqsanynda ushatyn Shenchjoý-15 basqarylatyn ǵarysh kemesi ekıpajyn qamtamasyz etýge qajet materıaldar bar.
Aıta keteıik, ǵarysh stansasynyń qurylysy osy jyldyń sońyna deıin aıaqtalady dep josparlanǵan.
«Tánchjoý-5» ǵarysh kemesi bortyna tıelgen CZ-7 Y6 /Long March-7 Y6 zymyrantasyǵyshy Haınan aral-provınsıasynyń ońtústik-qytaı jaǵalaýynda ornalasqan Venchan kosmodromynan ushyryldy.
Bul jaıynda Qytaı ǵarysh baǵdarlamasy keńsesiniń málimetinen belgili boldy.
Sýret: Stan.kz