Aqpan- qazaqtyń "aq yqpa", ıaǵnı boran degen sózinen shyqqan deıdi danalyǵy. Bul aı - qystyń eń aýyr ári qaharly kezi. Qatty sýyq, aıaz, úskirik, dúleı borandar osy aıda bolady. Dese de, bıylǵy qys qaharyna minbegen sıaqty. Qańtar da jyly kúnderimen qýantty. Aldaǵy aıda kún raıy qandaı bolmaq?
Aqpan aıynda elimizdiń basym bóliginde aýanyń ortasha temperatýrasy klımattyq normadan 1-2° joǵary bolady dep boljanýda. Bul Iran men Orta Azıa aýdandarynan jyly aýa massalarynyń shyǵarylýyna baılanysty bolady, dep habarlaıdy Almaty-akshamy.kz
"Qazgıdromettiń" málimetinshe, elimizdiń shyǵysynda Taımyr men Shyǵys Sibir aýdandarynan sýyq antısıklonnyń yqpal etýine baılanysty aýa temperatýrasy klımattyq norma shamasynda bolady.
Aqpan aıynda jaýyn-shashyn mólsheri respýblıkanyń basym bóliginde qalypty normada, al Qazaqstannyń batysynda, ońtústik, ońtústik-shyǵys jáne shyǵys aýmaqtardyń taýly jáne taý bókterli óńirlerinde normadan kóp boljanady.
Birinshi onkúndiktiń basynda Sibir antısıklony Qazaqstannyń basym bóliginde aıazdy jáne jaýyn-shashyn az bolady, al respýblıkanyń batysynda Batys jáne Ońtústik sıklondardyń yqpalymen jaýyn-shashyn (jańbyr, qar), jeldiń 15-20 m/s deıin kúsheıýi, tuman jáne kóktaıǵaq bolady.
Sodan keıin sıklonnyń soltústik-shyǵys baǵytta aýysýymen respýblıkanyń qalǵan aýmaǵynda da jaýyn-shashyndy jáne jeldi aýa raıy boljanýda.
Aqpannyń birinshi onkúndiginiń birinshi jartysynda elimizdiń ońtústigi men batysynda kúndiz aýa temperatýrasy joǵarylaıdy.
Birinshi onkúndiktiń ortasynda elimizdiń soltústiginde jáne ortalyǵynda túnde -10-20°S-tan -5-13°S-qa deıin, kúndiz -5-15°S-tan 0,-8°S-qa deıin aıazdyń álsireýi boljanady.
Onkúndiktiń sońynda respýblıkanyń shyǵysynda temperatýra fony túnde -18-23°S-tan -12-17°S-qa deıin, soltústik-shyǵysta -28-33°S-tan -20°S-qa deıin, kúndiz -10-15°S-tan -5-10°S-qa deıin joǵarylaıdy.
Ekinshi jáne úshinshi onkúndikterde aýyspaly barıkalyq túzilimdermen aýa raıynyń turaqsyz sıpaty kútiledi: jaýyn-shashyn (jańbyr, qar), ekpindi jel, elimizdiń soltústik-batys jartysy men batysynda burqasynmen, ońtústiginde jekelegen kúnderi shańdy daýyl kútiledi.
Jekelegen kúnderi Shyǵys Sibir aýdandarynan sýyq antısıklonnyń áserinen temperatýralyq fon tómendeıdi dep kútiledi:
- batysta jáne soltústik-batysta túnde -12-22°S-qa deıin, kúndiz -3-10°S-qa deıin;
- soltústik jartysynda túnde -20-35°S-qa deıin, kúndiz -13-18°S-qa deıin;
- ońtústik jartysynda túnde -8-15°S-qa deıin, kúndiz -5+3°S-qa deıin.
Jekelegen kúnderi Iran men Orta Azıa aýdandarynan jyly aýa massalarynyń shyǵarylýyna baılanysty temperatýralyq fon joǵarylaıdy dep boljanady:
- batysta túnde -5+1°S-qa deıin, kúndiz +2+8°S-qa deıin;
- soltústik-batysta, soltústikte, ortalyqta jáne shyǵysta túnde -3-15°S-qa deıin, kúndiz -6+3°S-qa deıin;
- ońtústikte, ońtústik-shyǵysta jáne ońtústik-batysta túnde -5+5°S deıin, kúndiz +5+12°S deıin.