Halyqty aldaýmen nesıe rásimdegen alaıaq anyqtaldy
Almatynyń 19 jastaǵy turǵyny halyqty aldap, olardyń atynan nesıege qymbat gadjetterdi rásimdegen, dep habarlaıdy almaty-akshamy.kz Polisia.kz-ke silteme jasap.
Anyqtalǵandaı, jigit ınternetten kezdeısoq adamdardyń málimetterin taýyp alyp, birneshe aı boıy olardyń atynan taýarlyq nesıeler rásimdep kelgen. Nesıe maquldanǵannan keıin, ol qymbat telefondardy alyp, úshinshi tulǵalarǵa satyp jibergen jáne, árıne, nesıeni tóleý týraly oılaǵan da joq.
«Polısıaǵa bes azamat aryzdanǵan, kúdikti olardyń atynan “Iphone” markaly uıaly telefondardy rásimdegen. Jedel izdestirý is-sharalary barysynda alaıaqtyq jasady degen kúdikti ustaldy. Qylmystyq is QR QK-niń 190-baby 3-bóligi (Alaıaqtyq) boıynsha tergelýde. Keltirilgen shyǵyn kólemi shamamen bir jarym mıllıon teńgeni quraıdy», – dedi Almaly aýdandyq polısıa basqarmasynyń bastyǵy Esen Ysqaqov.
Kúdikti ýaqytsha ustaý ızolátoryna qamaldy. Al Almaly aýdanynyń polısıa basqarmasy atalǵan tulǵanyń zańsyz áreketinen zardap shekkenderge myna telefondar arqyly habarlasýǵa bolatynyn eskertedi: 8-708-707-9202; 8-705-555-7763; 8-775-719-2727.