Qostanaıda mamandandyrylǵan qylmystyq ister jónindegi sot asa qatygezdikpen adam óltirý isi boıynsha úkim shyǵardy, dep habarlaıdy Aqshamnews.kz.
İs materıaldaryna sáıkes, 2025 jyldyń shildesinde oblys turǵyny óz úıinde janjal kezinde jubaıy men enesine birneshe pyshaq jaraqatyn salyp, olardyń ómirin qıǵan. Qylmystan keıin er adam oqıǵa ornynan qashyp ketken.
Memlekettik aıyptaýshy sottan 20 jyl jaza taǵaıyndaýdy suraǵan. Jábirlenýshi tarap ta qatań jaza berýdi talap etti. Sottalýshy óz kinásin birtindep moıyndaǵan. Tergeý barysynda onyń áreketin jeńildetetin de, aýyrlatatyn da jaǵdaılar anyqtalmady.
Sottyń sheshimimen aıyptalýshy 19 jylǵa bas bostandyǵynan aıyryldy. Jaza orta qaýipsizdik mekemesinde óteledi. Jábirlenýshi taraptyń moraldyq shyǵyn óndirý týraly azamattyq talaby tolyqtaı qanaǵattandyryldy.
Úkim áli zańdy kúshine engen joq.