Qarjy naryǵyn retteý jáne damytý agenttiginiń tóraǵasy Mádına Ábilqasymova Qazaqstan 2026 jylǵy shildege deıin nesıe mólsherlemelerin esepteýdiń jańa ádistemesi ázirlenetinin málimdedi, - dep habarlaıdy aqshamnews.kz tilshisi.
Májilis otyrysynda depýtat Tilektes Adambekov QNRDA tóraǵasy Mádına Ábilqasymovadan Qazaqstanda tutynýshylyq jáne ıpotekalyq kredıtter boıynsha mólsherlemeler qashan tómendeıtinin surady.
Jaýap retinde Ábilqasymova agenttik birqatar qadam jasaǵanyn eske saldy:
"Ózderińiz bilesizder, byltyr zań qabyldaǵannan keıin tutynýshylyq kredıtter boıynsha barlyq mólsherlemeni 56 paıyzdan 46 paıyzǵa deıin, ıpoteka boıynsha 30 paıyzdan 25 paıyzǵa deıin tómendettik. Kepilsiz kredıtter boıynsha mólsherlemeni 45 paıyzǵa deıin tómendettik", - dedi ol.
Onyń aıtýynsha, 2025 jyly ıpotekalyq qaryzdar boıynsha mólsherlemeni 20 paıyzǵa deıin tómendetýge múmkindik týǵan. Alaıda Ulttyq bank bazalyq mólsherlemeni 18 paıyzǵa kótergennen keıin, kóptegen bank ıpoteka berýdi ýaqytsha toqtatty.
Ábilqasymova normanyń áreket etý merzimi 2026 jylǵy 1 shildege deıin uzartylǵanyn aıtty. Osy ýaqytqa deıin QNRDA Ulttyq bankpen birlesip, bazalyq mólsherlemege baılanǵan jańa esepteý ádistemesin ázirleıdi.
Sondaı-aq, QNRDA tutynýshylyq kredıtter boıynsha tásilderdi qaıta qaraýdy josparlap otyr:
"Naryqtaǵy ortasha mólsherleme qazir 35–36 paıyz bolady. Biz jańa ádisteme osy deńgeıde ázirlenedi jáne básekelestik esebinen mólsherlemeler tómendeýi tıis dep esepteımiz", - dedi Ábilqasymova.