Kólik júrgizýshisi aýrýhanaǵa jetkizildi
Qostanaı oblysynda jeńil kólik poıyzben soqtyǵysty. Bul týraly oblystyń baspasóz qyzmeti málimdedi, dep habarlaıdy Almaty-akshamy.kz.
20 aqpanda saǵat 6.20-da polısıa bólimine Peshkovka aýylynan bes shaqyrym jerde jol-kólik oqıǵasy bolǵany týraly aqparat túsken.
«Oqıǵa ornyna jetken polıseıler Volvo kóliginiń 45 jastaǵy júrgizýshisi baǵdarshamnyń tyıym salynǵan túsine ótip, poıyzben soqtyǵysqanyn anyqtady. Oqıǵa saldarynan Volvo kóliginiń júrgizýshisi men jolaýshysy túrli dene jaraqattaryn alyp, Fedorovskaıa aýdandyq aýrýhanasyna jetkizildi», - delingen habarlamada.