Bul jolǵy tumaýdyń jóni bólek pe?! Áleýmettik jelige kirseńiz, "balam belgisiz vırýspen aýyryp jatyr", "aýrýhanalarda oryn joq" degen jazbalardan kóz súrinedi. Aýyrǵan naýqastardy, ásirese dene qyzýynyń 40 gradýstan túspeýi ábigerge salýda. Densaýlyq saqtaý mınıstrligi bul jaǵdaıǵa qatysty bylaı dep otyr, - dep habarlaıdy aqshamnews.kz tilshisi "KTK" telearnasyna silteme jasap.
Dárigerlerdiń aıtýynsha, tumaýmen qatar Kovıd vırýsy da júr.
"Iá, bul - maýsymdaǵy jaǵdaı. Iaǵnı qazir monıtorıń boıynsha, tumaý jáne basqa da respıratorlyq aýrýlar órship turǵan joq. Ol tek maýsymdaǵy kezeń. Tumaýmen qatar Kovıd vırýsy da aınalymda júr. Ol stratýs degen omıkronnyń basqa tıpi. Onyń basqa tıpterinen aıyrmashylyǵy — tez juǵady. Biraq bizdi alańdatpaıtyny — aýyr jaǵdaıǵa sırek alyp keledi", - dedi DSM Qoǵamdyq densaýlyq saqtaý ortalyǵy basqarma tóraǵasynyń orynbasary Manar Smaǵul.