Almaty ákimi Darhan Satybaldy jumys sapary barysynda CHAMP1ON sport keshenin jáne Qazaqstan Respýblıkasynyń Ulttyq kitaphanasyn aralap kórdi.
CHAMP1ON sport kesheni júzý, basketbol, fıtnes jáne trıatlonmen aınalysýǵa barlyq jaǵdaı jasalǵan zamanaýı ortalyq. Munda 50-den astam kásibı sportshydan turatyn qurama komandalar daıyndalady. Sońǵy jyldary ortalyq sportshylary qalalyq, respýblıkalyq jáne halyqaralyq jarystarda 90-nan astam medal ıelenip, 10 úmitker sport sheberi dárejesine jetti. Al 3 sportshy Qazaqstannyń trıatlon boıynsha ulttyq quramasyna endi.
Keshen bazasynda MY WIN atty qaıyrymdylyq jobasy júzege asyrylyp jatyr. Joba aıasynda 3 myńnan astam bala men jasóspirim sportpen shuǵyldanyp, qabiletin damyta aldy.
Ulttyq kitaphana elimizdiń eń iri mádenı ári ǵylymı ortalyǵy, tarıhy 1910 jyldan bastaý alady. Munda ulttyq kitap qory saqtalyp, zamanaýı sıfrlyq servıster engizilip, qala turǵyndarynyń bilim alyp, mádenıetin damytýǵa jaǵdaı jasalyp otyr.
«Qalanyń ár aýdanynda, ásirese jastar úshin zamanaýı ári qoljetimdi sporttyq jáne mádenı keńistikterdiń bolýy mańyzdy. Sport ınfraqurylymyn damytý men Ulttyq kitaphana sıaqty mádenı mekemelerdi qoldaý - belsendi, bilimdi jáne myqty urpaq qalyptastyrýdyń negizi», — dedi Darhan Satybaldy.
Qala basshysy tıisti basqarmalarǵa sporttyq, mádenı jáne demalys oryndaryn odan ári damytyp, almatylyqtardyń ózin-ózi damytýy men belsendi ómir saltyna qolaıly jaǵdaı jasaý jóninde tapsyrma berdi.